ULANGAN 30:17 - Alkitab Singog In Mongondow Masa In Tanaa

¹⁷ Táe aka moiko bo diá motoindudui bo doí doman mokidongog, bo mopomayá doman mako in awakmu poḷaḻeon sin mosumba kon ilah mita ibanea,

ULANGAN 30:17 Mawu Ofanana

DATU MITA IMITÁNEA 11:2

Ki Tuhan ain nomarenta kon Israel in diábí motaau motonibuḷoi takin in bangusa mita tatua, sin mosia in mokopopisídon kon intau in Israel mosumba kon ilah mita ibanea. Umpaka natua, ki Salomo in umuranbí doman notonibuḷoi in bobay mita nongkon butá ibanea.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

PINOGIAPAN 32:15

Aka moiko monoḻikud kon i Tuhan, dá bayongan bangusa tanaa in pomayá-Neadon mako modugang moonggot kon padang gurun, bo moikodon in mokopopisí kon koyopúan monia!”

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

ULANGAN 17:17

Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.

ULANGAN 30:16

Singgai naa akuoi momarenta kon i monimu sinbá motabidon kon i Tuhan Allahmu bo motoindudui kon i-Nia poḷat mogaid kon bayongan in parenta-Nea sinbá moiko in mobiag motompia bo mobaḻí bangusa inta moḷoben. Ki Tuhan Allahmu in momarakatbí kon i monimu kon butá inta diádon moonggot in ḻitúan monimu.

ULANGAN 30:18

yo notantú bidon kon yopúon in moiko, bo kobiaganmu in diábí moonggot kon butá inta diádon moonggot in ḻitúan monimu. Toropdon! Tua in pinotaaukudon kon i monimu singgai naa.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”