ULANGAN 30:15 - Alkitab Singog In Mongondow Masa In Tanaa

¹⁵ Singgai naa moiko in motaau bidon momiḻí kon inta mopia ande inta moraat, mobiag ande matoi.

ULANGAN 30:15 Mawu Ofanana

KINOBAḺIAN 2:17

koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”

AMSAL 12:28

Intau inta dumudui kon daḷan inta noitutui in mobiagbí mosanang; intau inta dinumudui kon daḷan inta moraat mopobayá in popatoi.

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

YEREMIA 21:8

Bo ki Tuhan in nopotabá kon inakó noguman nanaa kon umat-Nea, “Indongogai! Akuoi, ki Tuhan, in mokipiḻí kon inimu: daḷan inta mopobayá in kobiagan, andeka daḷan inta mopobayá in kopatoian.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

ULANGAN 11:26

Singgai naa motaaudon in moiko momiḻí barakat ande kutuk.

ULANGAN 30:1

“Tanaa in motaaudon momiḻí mongo barakat ande kutuk ná inta ininsilanganku kon inimu. Aka moiko nokorasadon kon bayongan in yoyiga tatua bo nobiag kon sigad in bangusa mita ango angoi kon tampat pinoporaritan i Tuhan Allahmu, yo moiko in mokotorop bidon kon onu in piḻíon inta inogoiku kon inimu.

ULANGAN 30:14

Dika moḻibó natua, sin parenta tatua nodiugdon kon inimu. Kinotaauandon monimu bo kinohapalan bidon monimu, dá dongka bidon mopoaid.

ULANGAN 30:19

Tanaa in motaau bidon moiko momiḻí mongo mobiag ande matoi, barakat i Tuhan ande kutuk-Nea. Ḷangit bo butá oiníonku mobaḻí sakusi kon simpod in tosingogonmu. Piḻídon in mobiag.

ULANGAN 32:47

Topotundú mita tatua in deemanbí tosingogon mita inta diá in mangaḻenea, táe kobiaganmubí. Duduiaidon in bayongan parenta tatua, sinbá moumur in kobiagan monimu kon butá inta diádon moonggot bo ḻitúan monimu kon ḷoḷan in Ongkag in Yordan.”

YOHANES 1 3:23

Naa in pinarenta-Nea kon i naton: Kita in musti mopirisaya kon i Adí-Nea, tuata in ki Yesus Kristus, bo kita in musti umuran mositabian, ná inta ain pinarenta i Kristus kon i naton.