ULANGAN 3:21 - Alkitab Singog In Mongondow Masa In Tanaa

²¹ Bo akuoi in noguman kon i Yosua: Iko nokoontongdon kon bayongan inta pinomia i Tuhan Allahmu kon i Sihon bo kon i Og, datu doyowa tatua. Natuabí doman in pogogaid-Nea kon bayongan datu inta agowonmu in butánea.

ULANGAN 3:21 Mawu Ofanana

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

ULANGAN 3:20

Tuḷungaidon in intau mita tobangusamu modapot in mosia ḻimitú kon butá inta bain ogoi i Tuhan Allahmu kon i monia kon dotá in toyopan kon Ongkag in Yordan, bo modapot in ki Tuhan mobogoi kon i monia mobiag motompia kon tua, ná inta inaidan-Nea kon inimu kon naa. Bain tua bo moiko motaaudon mobui kon butá kapunyaanmu inta ain inogoiku kon i monimu.

ULANGAN 3:22

Dika moondok kon i monia, sin ki Tuhan Allahmu in motuḷungbí kon inimu.”

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

YOSUA 10:25

Nopaḷut mako kon tua, ki Yosua noguman kon porwira mita tatua, “Dika moḻia-ḻiaw in gina bo dika moondok. Pokoyakin bo pokobarani in moiko, sin nanaabí in pogogaid i Tuhan kon bayongan in musungmu.”