ULANGAN 3:18 - Alkitab Singog In Mongondow Masa In Tanaa

¹⁸ Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.

ULANGAN 3:18 Mawu Ofanana

KINOBAḺIAN 15:7

Onda intua ki Tuhan bui noguman kon inia, “Akuoi naa in ki Tuhan, inta ain nodia kon inimu iḻumuai nongkon butá in Ur kon Babilonia, sin mobogoi in butá tanaa kon inimu mobaḻí kapunyaanmu.”

MAZMUR 136:21

Butá monia in inogoi-Nea kon umat-Nea; tabi-Nea in umuran mononoi;

PINOGIAPAN 33:53

Butá tatua musti agowon monimu bo poḷat ḻitúai, sin ogoi-Kudon kon inimu.

ULANGAN 12:1

“Naa in hukum mita inta musti duduian monimu kon dodai in mobiagpa kon butá inta ogoi kon inimu i Tuhan, Allah in mogoguyangmu.

ULANGAN 15:4

Ki Tuhan Allahmu in momarakatbí kon i monimu kon butá inta inogoi-Nea kon inimu. Dá kon sigad in bangusamu diábí in intau mobiag mobogá,

ULANGAN 19:14

“Aka moiko modapotdon kon butá inta inogoi i Tuhan Allahmu kon inimu, dikabí momamping kon sigad in topodiugmu inta sinantú nongkon tungkuḷ intua.”

ULANGAN 19:2

butá tatua in mustibí silaion monimu mobaḻí toḷu notonsilai, kon batúan tonsilai tatua tumongo batu doman in kotá pogogadopan inta diá moyoyiga bayáan sinbá bayongan intau inta noḻimod motaau moḷagui mayá intua.

ULANGAN 19:7

Tuamai akuoi nomarenta kon i monimu moposadia in kotá toḷu.

ULANGAN 21:1

“Aka kon butá inta inogoi i Tuhan Allahmu kon inimu bo kinokadapatan kon oyúon in intau minatoi iḻimod kon gobá bo diá kinotaauan mongo ki ine in noḻimod kon inia,

ULANGAN 25:19

Tuamai, aka ki Tuhan Allahmu mobogoidon in butá tatua kon inimu bo moiko moamandon nongkon bayongan musung inta nogutun kon ḻibumumai, yo bayongan intau in Amalek tua in mustibí modait ḻimodon dá mosia in diádon toropon bui. Dika koḻiongan!”

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 9:6

Pokoyakin kon ki Tuhan Allahmu in diábí noposarakan in butá mopia tatua kon inimu popisí in moiko patus motarima kon tua. Deemanbí natua! Moiko nion in bangusabí inta motogat in gina.

YOSUA 1:11

sinbá moḻibu kon bayongan pinononḷoḷaigan in umat Israel bo nopotaau in parenta tanaa, “Posadia kon tongkaaḷ, sin toḷupa nosinggai nongkon naa bo moiko in mustidon ḷumoḷan kon Ongkag in Yordan sin mayá ḻimitú kon butá inta inogoi i Tuhan Allahmu kon inimu.”