ULANGAN 3:16 - Alkitab Singog In Mongondow Masa In Tanaa

¹⁶ Bo suku mita in Ruben bo Gad inogoianku in butá inta kon sigad in Gilead bo Ongkag in Arnon. Yuak in ongkag tatua nobaḻí sigad monia kon dotá in toḷatan, aka kon dotá in utuan mosia noyosigad in Ongkag in Yabok, inta tongosilainea nobaḻí sigad in butá intau in Amon.

ULANGAN 3:16 Mawu Ofanana

KINOBAḺIAN 32:22

Kon doḷom doman tua ki Yakub nobangon bo nodia kon i buḷoinea doyowa, bo kon buḷoinea doyowa inta bobantung bo ki adínea mopuḷú bomitá, iḷumoḷan kon Ongkag in Yabok.

SAMUEL 2 24:5

Naonda in iḷumoḷan kon Ongkag in Yordan, ki Yoab bo intaunea nononḷoḷaigan kon dotá in toḷatan kon Aroër, kotá tobatú kon yua-yuak in ḷopá kon butá in Gad. Nongkon tua in mosia minayá in utuan, ná Yaezer,

PINOGIAPAN 21:24

Táe kon pinoparangan tatua nobarong intau in Amori in iḻimod in intau Israel. Bo kinawasaandon in intau Israel in butá monia nongkon Ongkag in Arnon nodapot in Ongkag in Yabok, inta pinosigadan in butá in intau in Amon, sin pinosigadan tatua totok in moropot in pinoḷoḷukad monia.

ULANGAN 2:37

Táe kita in diábí dinimiug kon butá in intau Amon ande kon bingkí Ongkag in Yabok ande kotá mita kon buḷud ande kon tampat ibanea kon ondaka inta diá inogoi i Tuhan Allah naton.”