ULANGAN 3:14 - Alkitab Singog In Mongondow Masa In Tanaa

¹⁴ Yair nongkon suku Manasye nogamá kon bayongan wilayah Argob, inta nongkon Basan nodapot in pinosigadan Gesur bo Maakha. Sinangoiannea in ḻipú mita tatua pinodayan kon tangoinea tontaní, bo dapot in tanaa mako umuranpabí kinotaauan saḷaku ḻipú mita i Yair.)

ULANGAN 3:14 Mawu Ofanana

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 13:37

Ki Absalom in noḷagui minayá in komaḻig in datu in butá in Gezur, inta ki Talmai adí i Amihur. Nogutun in sia kon tua toḷu notaong in koonggotnea. Noonggot in pinonogumatoian i Daud kon kinopatoian i Amnon,

SAMUEL 2 14:23

Bo minayádon in ki Yoab kon Gesur sin mogamá kon i Absalom mobui kon Yerusalem.

SAMUEL 2 20:26

Imang kon komaḻig: ki Ira nongkon kotá in Yair.

SAMUEL 2 3:3

Ki Kileab. Ki inánea in ki Abigail, ki baḷú i Nabal nongkon Karmel. Ki Absalom. Ki inánea in ki Maakha, adí bobay i Datu Talmai nongkon Gesur.

MAZMUR 49:11

Diá, sia in mokoontongbí kon intaukabí inta mobijaksana yo matoibí doman. Intau dondunguḷ bo pompuḷong tumpaḷabí moyopú, bo monaḷámai kon kapunyaannea kon intau ibanea.

YEREMIA 40:8

Dá ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet, bo ki adí mita i Epai nongkon Netopa, bo ki Yezanya nongkon Maakha minayá takin intau mita monia kon i Gedalya kon Mizpa.

PINOGIAPAN 32:41

Ki Yair, nongkon suku Manasye, nonubu bo nogagow kon tongonumai in ḻipú, bo sinangoian monia in “Ḻipú mita in Yair”.

ULANGAN 3:13

Kon tongo botak in suku Manasye inogoianku in kiagat in butá in Gilead, bo pinotakin doman in butá in Basan inta perna sinonggata in Og, tuata in bayongan wilayah Argob.” (Basan in kinotaauanbí saḷaku butá intau in Repaim.

ULANGAN 3:4

Kon tungkuḷ intua kinoagowan naton komintan in kotánea, diá tobatúmai in kinotaḻiban. Onom nopuḷú in kobayong in kotá inta inagow naton kon bayongan butá in Argob, inta pinarenta i Datu Og nongkon Basan.

YOSUA 12:5

Butá kinawasanea in nongkon Buḷud in Hermon, Salkha, bo bayongan in Basan nodapot in kinoyoyayú in butá in Gesur bo Maakha; bo noitakin doman in tobotak in butá in Gilead nodapot in kinoouput in butá inta kinawasa i Datu Sihon kon kotá in Hesybon.

YOSUA 13:13

Táe intau in Gesur bo Maakha in diábí pinoguntun in intau Israel; mosia in nogutunpabí kon Israel.