ULANGAN 3:12 - Alkitab Singog In Mongondow Masa In Tanaa

¹² “Naonda in butá tatua nobaḻí kapunyaan naton, inogoiku intua kon suku Ruben bo Gad in butá kon dotá in utuan kotá in Aroër kon diug in Ongkag in Arnon, bo tongosilai nongkon butá in buḷud Gilead, noitakin doman in kotánea mita.

ULANGAN 3:12 Mawu Ofanana

DATU MITA 2 10:33

kon dotá in pomukaan kon Ongkag in Yordan noidapot in toḷatan nopobayá ná kotá Aroër kon diug in Ongkag in Arnon, noituot doman in butá in Gilead bo Basan, tampat pinogutunan in suku Gad, Ruben bo Manasye dotá in pomukaan.

PINOGIAPAN 32:40

Tuamai ki Musa nobogoi in butá in Gilead tatua kon inanakan in Makhir, bo mosia nogutundon notantú kon tua.

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

ULANGAN 29:7

Bo naonda in kita nodapot in tampat tanaa, ki datu Sihon nongkon Hesybon bo ki datu Og nongkon Basan namangoi nonubu kon i naton táe sinaḷow naton in mosia.

ULANGAN 29:8

Butá monia inagow naton bo sinilai naton kon suku in Ruben, in Gad bo tongosilai in kon suku in Manasye.

ULANGAN 3:13

Kon tongo botak in suku Manasye inogoianku in kiagat in butá in Gilead, bo pinotakin doman in butá in Basan inta perna sinonggata in Og, tuata in bayongan wilayah Argob.” (Basan in kinotaauanbí saḷaku butá intau in Repaim.

ULANGAN 4:48

Butá tatua nobendar nongkon kotá in Aroër kon bingkí in Ongkag in Arnon, minayá turus ná utuan nodapot kon Buḷud in Siryon, tuata in Buḷud in Hermon,