ULANGAN 3:11 - Alkitab Singog In Mongondow Masa In Tanaa

¹¹ Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

ULANGAN 3:11 Mawu Ofanana

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

KINOBAḺIAN 6:15

Uangga tatua kobanatnea musti mogatut bo toḷu nopuḷú bo toḷu nometer, bo oḷadnea in doyowa nopuḷú bodoyowá nometer bo ḷantudnea in mopuḷú botoḷú nometer.

SAMUEL 2 11:1

Datu mita biasamai in mayá moparang kon sempo in pononubú in kayu. Bo kon sempo in pononubú in kayu kon taong tatua nopotabá in ki Daud kon i Yoab minayá noparang takin porwiranea mita bo bayongan tontara in Israel; bo nonaḷow in mosia kon intau in Amon poḷat noḻibut kon kotá in Raba. Táe nogutunpa in ki Daud kon Yerusalem.

SAMUEL 2 12:26

Kon dodai intua ki Yoab umuranpa noparang nonayow kon Raba ibukotá in Amon, bo motoyongdon mokoagow kon tua.

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEHEZKIEL 25:5

Kotá in Raba in baḷuian-Ku mobaḻí popokaanan kon unta, bo sinangkub in butá in Amon mobaḻí popokaanan in domba. Dá kotaauandon monimu kon Akuoibí in ki Tuhan.’ ”

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

AMOS 2:9

Umpaka natua, ei umat-Ku, kon i monimubí Akuoi in noyompat kon intau in Amori inta moḷantud ná pangkoi in ḷokuyú bo moropot naonda bo pangkoi in terpentin.

ULANGAN 2:11

Ná intau in Enak, mosia sinangoian doman intau in Repaim, táe aka kon intau in Moab mosia tua sinangoi intau in Emim.

ULANGAN 2:20

Butá tatua doman in sinotaaubí saḷaku butá in Repaim, tangoi in bangusa inta tungkuḷ intua nogutun kon tua; aka kon intau in Amon yo mosia tua in sinangoian monia intau in Zamzumim.

YOSUA 12:4

Datu ibanea inta sinaḷow in intau in Israel in ki Datu Og nongkon butá in Basan, inta noiḻitú kon Asytarot bo Edrei. Sia in intau tobatú inta ki agat in bangusa Repaim.

YOSUA 13:12

Butá monia tua in nongkon butá kinawasa i Datu Og, intau in Repaim pangabisan inta nomarenta kon Asytarot bo Edrei. Ki Musa in nonaḷowdon kon bangusa mita tatua bo nopoguntun kon i monia iḻumuai nongkon butá monia.

WAHYU 21:17

Naonda in malaekat tatua nogukur kon dindingnea, dá onom nopuḷú nometer in koḷantudnea. Ukuran inta pinaké in malaekat tatua in ukuran inta pinaké in intau.

SAMUEL 1 17:4

Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,