ULANGAN 3:10 - Alkitab Singog In Mongondow Masa In Tanaa

¹⁰ Ginamá naton in bayongan butá i Datu Og nongkon Basan: kotánea mita kon buḷud, butá in Gilead bo Basan, bo minayá ná pomukaan kinoyoyayú in kotá in Salkha bo Edrei.” (

ULANGAN 3:10 Mawu Ofanana

TAWARIKH 1 5:11

Kon dotá in utuan kon butá in suku Ruben nogutun in suku Gad kon butá in Basan nodapot in kinoouput in Salkha kon dotá in pomukaan.

PINOGIAPAN 21:33

Nopaḷut mako kon tua intau mita in Israel nomurow bo nongin daḷan nopobayá in Basan. Datu in Og nongkon Basan minayá takin tontaranea sin monubu kon intau mita in Israel kon kotá in Edrei.

ULANGAN 4:43

Kon suku in Ruben sinadiadon kotá in Bezer kon tampat inta moḷantud kon padang gurun; kon suku Gad sinadiadon kotá in Ramot kon butá in Gilead, bo kon suku in Manasye kotá in Golan kon butá in Basan.

ULANGAN 4:49

bo bayongan butá kon dotá in pomukaan kon Ongkag in Yordan minayá ná toḷatan nodapot kon Laut Mati kon sipangkoion in Buḷud Pisga.

YOSUA 13:16

Butá monia tua in nongkon Aroër (kon bingkí in Ḷopá in Ongkag in Arnon) bo kotá inta kon yua-yuak in ḷopá tatua nodapot kon bayongan in rata inta moḷantud kon diugmai in Medeba;

YOSUA 13:30

Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 13:31

Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.