ULANGAN 29:6 - Alkitab Singog In Mongondow Masa In Tanaa

⁶ Moiko in diábí koroti kaanon, tubig in anggur ande oinumon mokoḷoḷangu, táe ki Tuhan nobogoi in bayongan inta paraḷuon monimu sinbá kotaauan monimu kon Siabí in ki Tuhan Allahmu.

ULANGAN 29:6 Mawu Ofanana

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

PINOGIAPAN 16:14

Totuubí kon iko in diábí modia kon inami mayá in butá inta mopia, andeka mobogoi kon inami in gobá mita in tudunea bo gobá mita in anggur inta mobaḻí tonsilai nami! Tanaa iko monguboḷdon kon inami! Diá, kami in doíbí mamangoi!”

PINOGIAPAN 20:8

“Gamá in tungkud inta kon tayowon in Poti Dodandian, bo kamunda i Harun musti mosipun kon bayongan umat. Kon tayowon monia komintan, iko musti moguman kon buḷud batu inta kon tua sinbá moporoput magí in tubig. Natuata in iko mopoḷuai in tubig nongkon buḷud batu tatua sinbá oyúondon in ponginuman in umat bo bobiagon monia.”

KORINTUS 1 10:4

bo nonginum kon tubig inta ain doman sinantú kon inumon monia. Mosia komintan in nonginum kon tubig nongkon buḷud batu inta umuran kotaki-takin monia; buḷud batu tatua in ki Kristus.

KORINTUS 1 9:25

Pomuḷoi intau inta mobasadia tumakin kon poyotandingan, musti monahang kon yagi-yagi, sinbá mokouḻí kon tombuinag inta diá mononoi kon dunia naa, táe kita in monahang kon yagi-yagi sinbá mokouḻí kon tombuinag inta mononoi.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

ULANGAN 2:33

Táe pinosarakan i Tuhan Allah in sia kon i naton, bo sinaḷow naton in sia takin ki adínea mita bo bayongan in tontaranea.

ULANGAN 29:7

Bo naonda in kita nodapot in tampat tanaa, ki datu Sihon nongkon Hesybon bo ki datu Og nongkon Basan namangoi nonubu kon i naton táe sinaḷow naton in mosia.

ULANGAN 3:3

Dá ki Tuhan Allah naton noposarakandon kon i Datu in Og bo rayatnea kon i naton, bo mosia komintan sinaḷow naton.

ULANGAN 3:6

Bayongan kotá tatua irimumud naton, bo bayongan intau ḷoḷaki, bobay bo adí mita monia iyopú naton, ná inta pinogogaid naton kon kotá mita i Datu Sihon nongkon Hesybon.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.