ULANGAN 29:10 - Alkitab Singog In Mongondow Masa In Tanaa

¹⁰ Singgai naa moiko komintan in simindog kon tayowon i Tuhan Allahmu, bayongan tongguḷu in suku, guhanga mita in ḻipú, porwira, bayongan in ḷoḷaki,

ULANGAN 29:10 Mawu Ofanana

TAWARIKH 2 20:13

Kon dodai intua bayongan in ḷoḷaki in Yohuda takin buḷoi bo adí monia sinimindog kon Baḷoi Tuhan.

TAWARIKH 2 23:16

Ki Imang Yoyada in nonongganut kon i Datu Yoas bo rayat moyotakinnea mogaid kon dodandian kon mosia in mobaḻíbí umat i Tuhan.

NEHEMIA 10:28

Kami, rayat in Israel, imang mita intau mita in Lewi, moḷoḷukad mita kon ngara in Baḷoi Tuhan, mogogogitog in musik bo mogogaid mita kon bonu in Baḷoi Tuhan, bo buḷoi adí nami inta tugatdon in umur bo momangaḻédon bo intau mita inta motoindudui kon hukum i Allah bo inta ain sinumondí kon intau ango-angoi inta nogutun kon butá nami.

NEHEMIA 8:2

Bo dinia i Ezra in buk tatua kon tayowon in bayongan intau inta sinimindog, ḷoḷaki, bobay bo adí mita inta momangaḻedon.

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

ULANGAN 29:11

bobay, mongoadí bo bayongan intau ango-angoi inta nogutun kon sigad monimu bo motuḷung kon i monimu momongkó kon kayu bo momotaan kon tubig.

ULANGAN 29:9

Dá moiko in musti mokoposatia in dumudui kon bayongan dodandian tanaa, sinbá moiko mokouḻí kon bayongan inta sinayakmu.

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

YOSUA 8:35

Bayongan in parenta i Musa binaca i Yosua kon bayongan umat in Israel inta noyosipun kon tua, noitakin doman in bobay mita, adí mita, bo intau mita ango-angoi inta nogutun kon sigad monia.

YOSUA 9:21

Dá, pomayádon mako in kobiagan monia, táe baḻíondon naton in mosia mononiai kon kayu bo mononangkob naton komintan.” Tuata in guman in itoi mita in Israel.

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.

WAHYU 6:15

Bayongan datu kon dunia naa bo intau mita moḷoben, panglima mita in tontara, intau mita nooyúon, intau mita inta kokawasa, bo intau mita ibanea, pinomayá ata andeka intau inta nobebas, komintan norogadop kon bubú mita in butá bo kon sigad mita in batu in buḷud.

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.