ULANGAN 29:1 - Alkitab Singog In Mongondow Masa In Tanaa

¹ Naadon in tosingogon mita in dodandian inta pinodoyon kon parenta i Tuhan pinomia i Musa takin bangusa Israel kon dodai in mosia kon butá in Moab. Dodandian tatua in nobaḻí indugang in dodandian inta pinomia i Tuhan takin i monia kon Buḷud in Sinai.

ULANGAN 29:1 Mawu Ofanana

MAZMUR 105:27

Kon Mesir mosia in nogaid kon inta mokoherang mita, aid mita moḷoben nongkon i Tuhan,

YEREMIA 11:2

“Tondudutka in sarat mita dodandian inta pinomia-Ku takin umat-Ku. Potaaudon kon intau in Yohuda bo intau in Yerusalem kon

YEREMIA 11:6

Bo ki Tuhan in noguman kon inakó, “Bayádon kon kotá mita kon Yohuda, bo kon daḷan mita kon Yerusalem. Potaaudon in koyow-Ku tanaa kon intau mita kon tua. Potabá in mosia monaridi bo dumudui kon sarat mita in dodandian-Ku.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

IMAMAT 26:46

Tuata in hukum bo parenta mita inta inogoi i Tuhan kon tudu in Buḷud Sinai kon i Musa kon bangusa Israel.

IMAMAT 27:34

Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.

OUMAN IN RASUL MITA 3:25

Moikodon inta motarima kon onu inta ain pinoguman mita in nabi tungkuḷ intua bo moiko in mokouḻí kon silai inta ain pinodandi i Allah kon mogoguyang naton, ná inta ain pinoguman-Nea kon i Abraham nanaa, ‘Popisí in buímu dá bayongan in intau kon dunia in barakatan.’

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

ULANGAN 28:68

Ki Tuhan in mogatodon bui kon i monimu mayá in Mesir tumakoi kon kapaḷ, umpaka Sia ain noguman kon moiko in diá bidon mobui mayá intua. Kon tua moiko in moramuji mopotaḷui in awakmu mobaḻí ata kon musungmu, táe diá tobatúmai in moibog motaḷui kon i monimu.”

ULANGAN 29:12

Ki Tuhan Allahmu nomia kon dodandian takin monimu, bo moiko komintan noyosipun kon naa sin mopoyotogot in dodandian tatua takin motarima kon kowajibannea mita.

ULANGAN 29:2

Ki Musa nogoiní kon bayongan intau in Israel noyosipun, bodongka noguman kon i monia, “Moiko ain nokoontong tontaní kon onu in inaidan i Tuhan kon i datu in Mesir, intau mita moḷobennea bo bayongan in butánea.

ULANGAN 29:21

Ki Tuhan in mopobaḻíbí kon inia mobaḻí contoh kon bayongan in suku Israel, bo mohukum kon inia pongin kutuk inta kinotangoian kon bonu in dodandian inta pinais kon bonu in buk tanaa, buk in hukum i Tuhan.

ULANGAN 29:25

Bo nanaa in tubagnea, ‘Popisí in mosia nonoḻikud kon dodandian takin i Tuhan, Allah in mogoguyang monia; dodandian inta pinomia-Nea takin i monia kon dodai in Sia nodia kon i monia iḻumuai nongkon Mesir.

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

ULANGAN 4:13

Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

IBRANI 8:9

Deemanbí ná dodandian inta inaidan-Ku takin mogoguyang monia wakutu in mosia dinia-Ku iḷumuai nongkon butá in Mesir. Mosia in diá tantú dinumudui kon dodandian inta inaidan-Ku takin i monia; tuamai diádon pandungon-Ku in mosia.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.