ULANGAN 28:25 - Alkitab Singog In Mongondow Masa In Tanaa

²⁵ Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:25 Mawu Ofanana

DATU MITA IMITÁNEA 8:33

Aka umat-Mu Israel taḷowon in musung-Nea mita popisí in mosia nomia kon dosa, bo mosia in nobuidon mangoi kon ini-Mu bo mohoromat kon ini-Mu saḷaku Tuhan, onda intua mamangoi kon baḷoi pososambayangan tanaa poḷat mosambayang mopoigum in ampung kon ini-Mu,

TAWARIKH 2 28:8

Umpaka intau mita in Yohuda tumpaḷa intau in Israel, táe tontara in Israel nodakop kon 200.000 in bobay bo mongoadí mita, bo dinia kon Samaria noyotakin in nobayong totok in pakakat inta inagow.

TAWARIKH 2 29:8

Bo ki Tuhan kon bonu in torú-Nea nohukum kon intau in Yohuda bo Yerusalem. Bo moiko komintan in nokotaaubí kon aid i Tuhan tatua ain nokotaḻikokog bo mokokoningkim.

TAWARIKH 2 6:24

Aka umat-Mu Israel taḷowon in musungnea mita popisí in binaradosa in mosia bo nomanasaḷ bo mohoromat bui kon ini-Mu saḷaku Tuhan, bo onda intua bui mamangoi kon baḷoi-Mu tanaa bo mosambayang mopoigum in ampung kon ini-Mu,

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEHEZKIEL 23:46

Ki Tuhan Inta Totok in moḷantud in noguman, “Oinídon in topaanan in intau sin mopororiga bo mogagow kon sundaḷ doyowa tatua.

HOSEA 8:3

táe diábí tarimaan monia onu inta mopia. Tuamai mosia in duduranbí in musung mita monia.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

YOSUA 7:4

Dá minayádon in tontara toḷu noribu bo nonubu kon kotá tatua, táe sinaḷow in mosia bo poḷat noḷagui.

SAMUEL 1 4:10

Onda intua noparangdon totok in intau in Pilistin bo poḷat nonaḷow kon intau in Israel. Intau in Israel noḷagui minayá in ḷoḷaigannea-ḷoḷaigannea. Totuu moḷoben in kinotaḷowan tatua: aindon 30.000 in tontara in Israel in minatoi.