ULANGAN 28:18 - Alkitab Singog In Mongondow Masa In Tanaa

¹⁸ Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.

ULANGAN 28:18 Mawu Ofanana

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

ULANGAN 28:16

Kinutuk in bayongan kotá mita bo gobámu mita.

ULANGAN 28:19

Kinutuk in bayongan totayakmu.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

ULANGAN 5:9

Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.