ULANGAN 28:14 - Alkitab Singog In Mongondow Masa In Tanaa

¹⁴ Tongá dika mokoimontanmai in monaḷámai kon parenta mita tatua naondaka in pogogaid. Dika doman mosumba bo mogundoi kon ilah mita ibanea.”

ULANGAN 28:14 Mawu Ofanana

DATU MITA 2 22:2

Ki Yosua in nomia kon onu inta kinosanang in gina i Tuhan. Dinumudui in sia kon aid i Datu Daud mogoguyangnea, bo dinumudui kon bayongan in hukum i Allah diá in sinaḻiban.

NEHEMIA 1:7

Kami in nokoyaatdon kon gina-Mu bo iḻimimpatdon kon parenta-Mu mita. Kami in diá notoindudui kon hukum mita inta inogoi-Mu kon inami pinongin i Musa, mogogundoi-Mu tua.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

ULANGAN 11:16

Dika in moiko moibog poyayúon nongkon i Tuhan sin mosumba bo mogundoi kon ilah mita ibanea.

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

YOSUA 23:6

Tuamai, ḷukadai sinbá moiko in umuran dumudui bo mopobayá in bayongan inta pinais kon bonu in Buk Hukum i Musa. Dika ḻimimpat kon tobatúmai in hukum mita tatua.