ULANGAN 28:12 - Alkitab Singog In Mongondow Masa In Tanaa

¹² Ki Tuhan in mopoangoibí in uyan kon wakutunea nongkon tampat pinotagúan-Nea inta mobayong totok kon ḷangit. Sia in momarakatbí kon bayongan totayakmu, dá moiko in motaaudon mopoḷuan kon mobayong in bangusa, táe moiko tontaní in diá bidon paraḷu moḷuan.

ULANGAN 28:12 Mawu Ofanana

DATU MITA IMITÁNEA 18:1

Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

AYUB 38:22

Nokoimontandon degá iko in namangoi kon pototagúanku mita tampat in salju bo uyan batu,

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

AMSAL 22:7

Intau bogá kinawasa in intau nooyúon; intau inta noḷuan kinawasa in intau inta nopoḷuan.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

ULANGAN 11:14

Aka natua in aidan monimu, dá poonag i Tuhan in uyan kon butámu kon wakutunea, mopaḷut mako in moiko mosipun kon bungai in boyó, bo kon dodai in moiko momangkoidon momunak. Dá moiko in diádon kodaitan in gandum, anggur bo ḷana in zaitun,

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 15:10

Ogoiai in sia takin pia in gina bo deeman tongá pakisa, dá ki Tuhan Allahmu in momarakatbí kon bayongan inta inaidanmu.

ULANGAN 15:6

Ki Tuhan Allahmu momarakatbí kon i monimu ná inta pinodandi-Nea. Moiko in mopoḷuanbí in doit kon mobayong in bangusa, táe moiko tontaní in diábí moḷuan, moiko in mongawasabí kon mobayong in bangusa táe mosia in diábí mongawasa kon i monimu.

ULANGAN 28:24

Ki Tuhan in diá bidon mopouyan in tubig, táe uyan bidon in ḷobud bo bungaion modapot in moiko modaitdon moyopú.

ULANGAN 28:44

Mosia in kodoitbí inta poḷuan kon i monimu, táe moiko in diábí koonu bo onu sin poḷuan kon i monia. Bo kon buitnea moiko kawasaan monia.