ULANGAN 28:11 - Alkitab Singog In Mongondow Masa In Tanaa

¹¹ Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

ULANGAN 28:11 Mawu Ofanana

AYUB 19:17

Ki buḷoiku doídon mokobó kon poginaanku, kiutatku nogaḷum kon iná bo amá morongó in dimiug kon inakó.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

ULANGAN 30:9

Ki Tuhan Allahmu in mopobaḻídon in bayongan totayakmu motarima kon bungainea; moiko in mokouḻídon kon adí mobayong bo bobiagon mobayong; gobámu mita in mobogoibí in bungai in boyó inta mobayong totok. Ki Tuhan takin pia in gina-Nea mobogoibí in kobiagan motompia kon i monimu, ná doman pia in gina-Nea mobogoi in kobiagan motompia kon mogoguyangmu.

ULANGAN 7:13

Sia in motabibí bo momarakat kon i monimu, dá adímu mobarong bo umuran doman kodugang-kodugang in kobarong monia. Sia in momarakatbí kon gobámu mita, dá mobarong in gandum, anggur bo ḷana in zaitun. Sia in momarakatbí kon i monimu dá mobarong in sapi bo bembé dombamu. Bayongan barakat tatua in tarimaanbí monimu kon butá inta inogoi i Tuhan kon inimu, podudui in dandi-Nea kon mogoguyangmu.