ULANGAN 27:24 - Alkitab Singog In Mongondow Masa In Tanaa

²⁴ ‘Kinutuk in intau inta inumado-adop noḻimod kon intau.’ ‘Amin!’

ULANGAN 27:24 Mawu Ofanana

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

DATU MITA IMITÁNEA 2:5

Tobatúpa doman! Kinotoropanmupabí in onu inta ain inaidan i Yoab kon inakó takin noḻimod kon porwira in Israel doyowa, ki Abner adí i Ner bo ki Amasa adí i Yeter. Sia in noḻimod kon i monia kon dodai in diá noparang sin motuḻí kon pinoḻimodan monia kon dodai in parang. Sia in noḻimod kon intau inta diá kotaḷá táe tanaa in akuoidon in musti mobaba kon oaidnea bo akuoidon in mororiga.

IḶUAIAN 20:13

Dika moḻimod.

IMAMAT 24:17

Ki ine in moḻimod kon intau ibanea musti hukumon matoi.

PINOGIAPAN 35:30

Kon pelekara poḻimodan, intau inta sinapudan noḻimod, motaau poponiata kon kotaḷá bo ḻimodon aka aidnea tatua motaau popobukiag takin oyúon in sakusi intau doyowa andeka noiḻiu. Tobatú in sakusi tua in diápabí tugat mopobukiag kon onu inta pinonapud tatua in totuu.

PINOGIAPAN 35:31

Moḷoḻimod tobatú in mustibí hukumon matoi. Diábí motaau tobutonnea in doit in hukuman tatua.