ULANGAN 27:15 - Alkitab Singog In Mongondow Masa In Tanaa

¹⁵ Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

ULANGAN 27:15 Mawu Ofanana

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:34

Táe munadon ginamá i Rahel in patong tatua bo pinopobonunea kon botutu inta pinopobongkoḷ kon unta, bo sia iḻimitúdon mako kon bongkoḷ tatua. Ki Laban nomirikisa kon tombonu in ḷoḷaigan i Rahel, táe diá doman nouḻínea in patong tatua

KINOBAḺIAN 9:25

sia noguman, “Binutungdon in Kanaan! Sia in mobaḻí ata inta totok in mohina kon i utatnea mita.

DATU MITA 2 17:19

Intau mita in Yohuda in diádon dinumudui kon hukum mita i Tuhan, Allah monia. Mosia in dinumudui kon kabiasaan mita in intau in Israel,

DATU MITA 2 23:13

Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

TAWARIKH 2 33:2

Sia in binaradosa kon i Tuhan, popisí in dinumudui kon kabiasaan mita inta moraat in bangusa mita inta pinoguntun i Tuhan nongkon Kanaan kon tungkuḷ in intau in Israel sinumuot in butá tatua.

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

IḶUAIAN 34:17

Dika momia poḷat mosumba kon ilah mita inta pinomia nongkon logam.

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”

YEREMIA 11:3

Akuoi, ki Tuhan Allah in Israel, mongutuk kon i inekabí inta diá motoindudui kon sarat mita in dodandian-Ku tatua.

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

YEREMIA 28:6

“Mopia! Igumon mako toḻindapmu tua in moniata, bo ki Tuhan in totu-totuu modiadon bui mangoi nongkon Babel in pakakat mita in Baḷoi Tuhan takin bayongan intau inta ain iḷumbú kon tua.

YEHEZKIEL 14:4

Tuamai, potaaudon kon i monia kon Akuoi, ki Tuhan Inta Totok in moḷantud nongoyow nanaa, ‘Bayongan in intau in Israel inta ain noposarakan in awaknea kon berhala bo nopomayádon mako in awaknea noirobu kon dosa, bodongka mamangoi sin mopoigum in tonggina kon nabi tobatú, yo tubagan-Kubí tontaní in tubag inta patus potubag kon berhalanea mita inta nobayong tua!

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

DANIEL 9:11

Bayongan in Israel ain iḻimimpat kon hukum-Mu mita bo doí mokidongog kon singog-Mu. Kami in binaradosa kon ini-Mu, bo tuamai pinouma-Mu kon inami in kutuk inta ain pinais kon bonu in Buk i Musa, mogogundoi-Mu.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

PINOGIAPAN 5:22

Tubig inta mokopoangoi kon butung tanaa in tumuot kon sianmu bo mokobunsit kon sian bo mokointok kon paamu.” Bobay tatua musti motubag, “Moibog in akuoi; Igumon mako ki Tuhan momia kon natua.”

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

KORINTUS 1 14:16

Sin aka tongá rohonea in mosukur kon i Allah, bo oyúon in intau in diá nonotaau in bahasa pinakému tua, yo intau tatua in diábí moguman, “Amin” kon dodai in nokodongog kon sukurmu tatua, sin diá kinotaauannea in siningogmu tatua.

ULANGAN 27:14

Intau mita in Lewi musti mosingog kon tosingogon mita tanaa koḷangonon bo Intau in Israel musti motubag, ‘Amin’.

ULANGAN 29:17

Moiko ain nokoontong kon patong mita berhala monia inta mokorongó nongkon kayu, batu, saḷaka bo buḷawan.

ULANGAN 4:25

Ná doman tua aka moiko moonggotdon in mogutun kon butá tatua bo mononggadí dapot in mononggompu, yo dika baradosaan popisí in momia kon patong naondaka in batangannea sin sumbáan monimu. Oaid natua in oaidbí moraat kon tayowon i Tuhan Allahmu bo mokopopisídon kon i-Nia tumorú.

ULANGAN 5:8

Dika in iko momia kon patong inta pinodayan kon onu in kon ḷangit, kon butá ande kon bonu in tubig kon ḻimonag in butá.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

HAKIM MITA 17:3

Ki Mikha nopobui in doit tatua kon i inánea, bo ki inánea in noguman, “Bá iko, adíku, moiḷuat nongkon odi-odi inta ain siningogku tatua, yo posumbaku in saḷaka tanaa kon i Tuhan sin pakéon pogaid kon patong kayu inta inaipan in saḷaka. Dá doit tatua in pobuionkudon kon inimu.”

HAKIM MITA 17:4

Dá naonda in ki Mikha nopobui in doit tatua kon i inánea, ki inánea nogamá kon doyowa nogatut in doit tatua, bo inogoinea kon intau inta mononontaḷ kon saḷaka. Bo nokiaid in sia kon mononontaḷ tatua in patong kayu inta inaipan in saḷaka tatua. Onda intua patong tatua inukat kon baḷoi i Mikha.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.