ULANGAN 26:8 - Alkitab Singog In Mongondow Masa In Tanaa

⁸ Takin kawasa bo ropot inta moḷoben Iko nopoḷuai kon i nami nongkon Mesir. Iko nogaid kon mujizat mita bo inta mokoherang mita poḷat nopomuká in aid mita inta nokodoḻiok kon musung.

ULANGAN 26:8 Mawu Ofanana

IḶUAIAN 12:37

Intau Israel nobuat bo minaya-mayá in sioḷ nongkon kotá in Raamses nopobayá in kotá Sukot. Kobayong monia tua in 600.000 noribu intau, diá bidon pinoyoiap in bobay bo adí mita.

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

YEREMIA 32:21

Pinongin kawasa bo ropot-Mu inta moḷoben Iko in nodia kon umat in Israel iḻumuai nongkon Mesir. Iko in nogaid kon inta mujizat mita bo inta mokoherang bo aid mita inta mokodoḻiok kon musung.

ULANGAN 34:11

Diádon in mogaid kon mujizat mita bo inta mokoherang mita ná inta pinomia i Musa kon butá in Mesir, kon i datunea bo kon intaunea mita moḷoben podudui in parenta i Tuhan.

ULANGAN 34:12

Diá in momia kon oaidan mita inta motoyang bo inta mokoondok ná inta pinomia i Musa kon tayowon in bayongan bangusa israel.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.