ULANGAN 26:6 - Alkitab Singog In Mongondow Masa In Tanaa

⁶ Intau in Mesir nopoaid kon inami in inta moraat totok bo momakisa kon inami mogaid nobaḻí ata.

ULANGAN 26:6 Mawu Ofanana

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 1:14

bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 1:16

Guman i datu in Mesir, “Kon tungkuḷ in moiko motuḷung kon bobay mita in Ibrani mononggadí, yo toropdon in naa: Aka adí inta pinononggadí tatua bo ḷoḷaki, yo ḻimod in adí tatua! Táe aka bobay yo pomayádon mako mobiag.”

IḶUAIAN 1:22

Dá ki datu in nomarenta nanaa kon bayongan in rayatnea, “Bayongan adí ḷoḷaki intau Ibrani inta bagu pinononggadí musti pogonag kon Ongkag in Nil, táe bayongan adí monia bobay pomayádon mako in mobiag.”

IḶUAIAN 1:8

Noiduduimai kon tua datu mobagu tobatú inta diá nonotaau kon i Yusup in nomarenta kon Mesir.

IḶUAIAN 5:19

Kinomangaḻeandon in mandor mita tatua kon mosia kon bonudon in roriga moḷoben sin ain pinoguman kon i monia kon intau mita Israel musti mogaid kon tela inta kobayongnea in diá mogaat kon ná inta aindon inaidanmai monia koḻipod.

IḶUAIAN 5:23

Pinangkoi akuoi namangoi kon tayowon i datu bo nosingog pinodoyon kon tangoi-Mu, yo ki datu totokdon in momogutú kon bangusa tanaa. Bo Iko tongá doman kibio-biómai, diábí motuḷung kon i monia.”

IḶUAIAN 5:9

Pakisadon totok intau mita tatua mogaid, sinbá mosia tantú mogaid kon oaidan monia bo diádon in kasampatan monia mokidongog kon ouman mita inta diá totuu.”

PINOGIAPAN 20:15

Mogoguyang nami minayá in Mesir bo nogutun notantú kon tua kon taongannea. Mogoguyang nami bo kami doman pinomiadon ibo-ibog in bangusa Mesir,

ULANGAN 26:7

Bo kami nokuani nopoigum in totuḷung kon ini-Mu, Tuhan, ki Allah in mogoguyang nami. Inindongogan-Mu in kuani nami bo noindoi kon roriga, susa takin kobobiag nami inta mokotabidon.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.