ULANGAN 26:5 - Alkitab Singog In Mongondow Masa In Tanaa

⁵ Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.

ULANGAN 26:5 Mawu Ofanana

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 24:4

Iko in mustibí mayá bui kon tampat kinolahiranku sin motayak kon bobay pobuḷoionnea nongkon sigad in ginaḷumku.”

KINOBAḺIAN 25:20

Ki Ishak in umurdon opat nopuḷú notaong tungkuḷ in sia nonika takin i Ribka, ki adí i Laban, inta ki adí i Betuel, intau in Aram nongkon Mesopotamia.

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 28:5

Natuata inaidan i Ishak kon tungkuḷ in sia nopotabádon kon i Ishak minayá in Mesopotamia, kon i Laban, ki adí i Betuel intau in Aram tua. Ki Laban naa in ki guya-guyang i Ribka inta ki iná i Yakub bo i Esau.

KINOBAḺIAN 31:20

Ki Yakub in nonguboḷ kon i Laban takin diá noguman mosia in minayá.

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 31:40

Mokakit in akuoi mopatú totok kon dodai in singgai bo tumonow kon dodai in doḷom. Bo mokakit doman akuoi in diádon mokosiug.

KINOBAḺIAN 43:12

Diadon doman doit inta kobayongnea kodua ná kobayong inta muna, sin doit inta nouḻí monimu kon bonu in karong monimu tatua musti monimu pobuion. Sin degá tua in tongábí notoboḻingo.

KINOBAḺIAN 45:11

Aka ki amá kon Gosyen, yo akuoi in motaau moḷukad kon i amá. Sempo in malarat naa in ḻimapa notaong bo usahaanku sinbá ki papa takin adí mita bain ompu bo ginaḷum bo bobiagon i amá diá in matoi in gogoy.’ ”

KINOBAḺIAN 45:7

Ki Allah ain nodia kon inakó inumuna kon i monimu sin moposaḷamat kon i monimu pinongin daḷan inta mokoherang tanaa, bo mojamin kon kasaḷamatanmu bo tondoḷ in buímu.

KINOBAḺIAN 46:27

Ki adí mita i Yusup inta pinononggadí kon Mesir in taya dua, sahingga motoḷuadí i Yakub inta noyaput kon Mesir kobayongnea komintan in pitu nopuḷú.

KINOBAḺIAN 47:27

Natuata intau mita in Israel nogutun notantú kon Mesir, kon butá in Gosyen. Mosia in nobaḻí nooyúon bo nononggadí nononggompu nobayong kon tua.

KINOBAḺIAN 47:4

Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

IḶUAIAN 1:12

Tongá naonda in kodugang-kodugang in ponononggata intau in Mesir, yo kodugang-kodugang doman totok in kobayong intau Israel, bo mosia totokdon in moibaya-bayá mako kon bayongan butá tatua, dá intau in Mesir noondokdon kon i monia.

IḶUAIAN 1:5

Bayongan in buí i Yakub koantónea in pitu nopuḷú. Ki Yusup noiunadon nogutun kon Mesir.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 12:13

Ki Yakub mogoguyang naton noḷagui minayá in Mesopotamia, bo bá mokouḻí kon buḷoi, sia in nogaid saḷaku ata kon intau kon tua bo noḷukad kon domba mita in intau tatua.

OUMAN IN RASUL MITA 7:15

Dá namangoi domandon in Mesir in ki Yakub bo ginaḷumnea mita nodapot in minatoi mita kon tua in mosia.

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

ULANGAN 10:22

Kon tungkuḷ in mogoguyangmu minayá in Mesir, kobayong monia tua in tongábí pitu nopuḷú in intau. Táe ki Tuhan Allahmu ain nomaḻí kon i monia nobarong nádon onda bo kobarong in tundi kon ḷangit.”

ULANGAN 26:4

Ki imang in mogabatdon kon kompé tatua nongkon inimu bo ukatonneadon kon tayowon in mezbah i Tuhan Allahmu.

ULANGAN 7:7

Moiko kinotabi bo piniḻí i Tuhan, deemanbí popisí in moiko in moḷobe-ḷoben nongkon bangusa mita ibanea; totuubí kon moikobí nion in bangusa inta totok in mointok kon dunia naa.