ULANGAN 26:12 - Alkitab Singog In Mongondow Masa In Tanaa

¹² Pomuḷoi in taong nogintoḷu moiko in musti mobogoi in sosumba mopuḷú noporosen, tuata in mopuḷú noporosen nongkon bungai in boyó kon butámu kon imang Lewi, intau ango-angoi, adí uno-unon bo inta dongkadon boba-bobay, dá kon bonu in bayongan kotámu mosia mokouḻí kon kaanon inta paraḷuon monia. Aka mopaḷutdon,

ULANGAN 26:12 Mawu Ofanana

KINOBAḺIAN 47:24

Kon dodai in mosipundon kon boyó, moiko musti in mobogoi kon i datu in seperlima nongkon bungai in boyó tatua. Noiḻiu kon tua kon tua motaaubí pakéon monimu pomuḷaan bui ande kaanon monimu takin buḷoi bo adímu.”

KINOBAḺIAN 47:26

Noiduduimai kon tua binaḻídon i Yusup atorang kon butá in Mesir in soaḷ seperlima nongkon bungai in boyó musti mobaḻí kapunyaan i datu. Dapot masai in naa atorang tatua umuranpa pinaké. Tongábí butá mita in imang mita in diá nobaḻí kapunyaan i datu.

AMSAL 14:21

Ki ine in mopoompámai kon intau ibanea, mogaid kon dosa; ki ine in mopia in gina kon intau bogá yo mosanang in ginanea.

IMAMAT 27:30

Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan.

PINOGIAPAN 18:24

sin inta nobaḻí tonsilai kon i monia ogoi-Kudon in bayongan sosumba mopuḷú noporsen inta pinosumba in intau Israel kon i-Nakó nobaḻí oogoi inta ain sinantú. Tuamai Akuoi in moguman kon intau in Lewi kon mosia in diábí mokouḻí kon tonsilai kon Israel.”

ULANGAN 16:14

Pobarasanangdon takin i adímu mita, in bobantungmu mita, in intau in Lewi, intau ango-angoi, adí uno-unon bo inta dongka boba-bobay mita inta nogutun kon kotámu mita.

IBRANI 7:5

Aka kon hukum in agama Yahudi, imang mita buí i Lewi in mustibí mogamá kon mopuḷú noporsen nongkon bayongan inta nouḻí in umat inta ki utat monia, umpakabí tumpaḷa buí i Abraham in mosia.

IBRANI 7:9

Dá motaaubí singogon kon ki Lewi inta buínea mita mogamá domanmai kon mopuḷú noporsen nongkon onu inta nouḻí in intau Israel moguboḻibí doman kon silai tatua pongin i Abraham, wakutu in ki Abraham nobogoi intua kon i Melkisedek.