ULANGAN 24:20 - Alkitab Singog In Mongondow Masa In Tanaa

^20-21 Naonda in moiko komintandon mosipú kon bungai in zaitun bo bungai in anggurmu, dikabí mobui sin mosipun kon bungainea mita inta kinotaḷáan. Tua in mustibí pomayá mako monimu kon intau ango-angoi, kon adí uno-unon bo kon intau inta dongkadon boba-bobay.

ULANGAN 24:20 Mawu Ofanana

IMAMAT 19:10

Dika mobui mayá in gobá in anggurmu sin mosipú bui kon bungai in anggur inta kinotaḷáan naonda in moiko nopaḷutdon nosipú muna. Ná doman tua bungainea mita inta ain noḷabú dikadon puyuton monimu. Pomayádon mako intua gamáan in intau mita nongobogá bo intau ango-angoi. Akuoi naa in ki Tuhan Allahmu.

IMAMAT 19:9

Aka moiko mobatundon kon boyó, dikadon ratabon monimu in gandum inta nobiag kon bingkí mita in gobámu, bo dikadon mobui mayá mopuyut kon gandum inta kinotaḷáan kon dodai in pinorataban.

ULANGAN 24:19

Aka moiko mosipundon kon bungai in boyómu, dikabí in moiko mobui sin mopuyut kon gandum inta kinotaḷáan. Gandum tatua in mustibí pomayádon mako kon intau ango-angoi, adí uno-unon bo intau inta dongkadon boba-bobay, sinbá moiko barakatan i Tuhan Allahmu kon bayongan oaidanmu.