ULANGAN 24:2 - Alkitab Singog In Mongondow Masa In Tanaa

² Onda intua bobay tatua pinobuḷoidon in ḷoḷaki ibanea.

ULANGAN 24:2 Mawu Ofanana

YEHEZKIEL 44:22

Imang mita in tongábí motaau in mononibuḷoi kon mongodeaga mita in Israel inta diápa kon dodai in onda in nosiug takin ḷoḷaki andeka ki baḷú in imang. Mosia in diábí motaau in mononibuḷoi kon bobay ki gaat in intau.

IMAMAT 21:7

Imang tobatú diábí motaau in motonibuḷoi takin bobay tobatú inta ain nobaḻí sundaḷ ande bobay inta diádon porawan ande inta ain nogogaatan, sin imang tua in kapunyaan-Ku.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

PINOGIAPAN 30:9

Aka boba-bobay tobatú andeka bobay inta ain ginaat i buḷoinea nodandi takin sinumogotdon kon dandinea tatua, dá sia in noitogotdon kon dandinea tatua bo musti in sia mogintompod kon tua.

MATIUS 5:32

Táe Akuoi in moguman kon inimu: Pomuḷoi intau inta mogaat kon i buḷoinea koḻikudbí in nonuaḻing, yo siabí tua in nokopopisí kon i buḷoinea nonuaḻing, bo ki ine i motonibuḷoi takin bobay inta ain ginaat tua, yo sia doman noyotakin nonuaḻing.”

MARKUS 10:11

Dá ki Yesus in noguman nanaa kon i monia, “Ki ine in mogaat kon i buḷoinea bobay bo mobuḷoi bui takin bobay ibanea, yo nonuaḻing in sia kon i buḷoinea inta muna.

KORINTUS 1 7:15

Tongá aka intau inta diá mopirisaya kon i Yesus monaḷámaidon kon i buḷoinea bobay andeka kon i buḷoinea ḷoḷaki inta ain nopirisaya kon i Yesus, yo donaaibí mako bo dikabí ampagan sin diábí nongonu. Sin ibogon i Allah in mobiagbí motobatú in moiko komintan.

ULANGAN 24:1

“Umpamanea ḷoḷaki tobatú motonibuḷoi in mongodeaga tobatú, bo moiduduimai kon tua doídon in sia kon bobay tatua sin kinouḻíannea kon soaḷ inta mokooyá kon inia. Bo ḷoḷaki tatua mobogoidon in surat gogaatan kon inia bo nopoguntundon kon inia nongkon baḷoinea.

ULANGAN 24:3

Táe naonda in noonggotmai kon tua ḷoḷaki tatua doí domandon kon inia, bo nobogoidon in surat gogaatan kon inia bo nopoguntun domandon kon inia. Ande minatoidon in ki buḷoinea nogindua tatua.