ULANGAN 23:7 - Alkitab Singog In Mongondow Masa In Tanaa

⁷ Dikabí in moiko diá mopandungmai kon intau in Edom sin mosia tua in ki utatmubí. Dikabí doman in moiko diá mopandungmai kon intau in Mesir, sin moiko in nokoimontandon nogutun kon butá monia.

ULANGAN 23:7 Mawu Ofanana

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 46:7

bayangan adí bo ompunea ḷoḷaki bo bobay.

KINOBAḺIAN 47:12

Bo ki Yusup noposadia in onu in paraḷu kaanon i amá, i utat bo bayongan ginaḷum motoḷuadínea, nodapot kon inta adípa mita.

KINOBAḺIAN 47:27

Natuata intau mita in Israel nogutun notantú kon Mesir, kon butá in Gosyen. Mosia in nobaḻí nooyúon bo nononggadí nononggompu nobayong kon tua.

KINOBAḺIAN 47:6

Anggapdon butá in Mesir naa ná doman onda bo butámu tontaní. Pomayádon mako in mosia mogutun kon butá in Gosyen, butá inta totok in mopia kon sigad in butá mita kon naa. Bo aka oyúon in kotaauanmu kon sigad monia in mopandoi monombobiagon yo pokiḷukadaidon in bobiagonku.”

DATU MITA IMITÁNEA 11:25

Ná doman ki Hadad, ki Datu Rezon in nosaturu doman kon Israel kon tungkuḷ in ki Salomo nobiagpa, bo nonuyayow kon butá tatua.

EZRA 9:12

Nabi mita tatua in nogimaḷow kon inami sinbá diá motonibuḷoi in intau mita tatua, andeka mobantung kon i monia sinbá mobiag mooyúon bo motompia. Aka kami in motoindudui, kami in mobaḻídon moropot bo mokaandon kon bungai in pinomuḷa kon butá tatua bo mobogoi kon buí nami modapot in mononoi.

MAZMUR 105:23

Bo ki Yakub in minayá in Mesir bo nogutun notantú kon tua saḷaku intau ango-angoi.

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

MALEAKHI 1:2

Ki Tuhan in noguman kon umat-Nea, “Akuoi in motabi kon i monimu.” Táe mosia in notubag, “Naonda in pononotabi i Tuhan kon inami?” Ki Tuhan in notubag, “Kinotaauanbí monimu kon ki Esau tua in ki guya-guyangbí i Yakub? Táe ki Yakub in kinotabiku,

PINOGIAPAN 20:14

Onda intua nongkon Kades, ki Musa nopotabá in totabá mita sin mayá mokipodungkuḷ kon i datu in Edom. Guman monia, “Kami in nongkon suku mita in Israel inta oyúonpa in tondoḷ in kompong i Tuangku. Degá kinotaauan bidon i Tuangku in yoyiga inta noiantug kon inami.

ULANGAN 10:19

Dá moiko doman in mustibí moponiata in tabimu kon intau mita ango-angoi tatua, sin koḻipod in moiko in nobaḻíbí doman intau ango-angoi kon Mesir.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”