ULANGAN 23:6 - Alkitab Singog In Mongondow Masa In Tanaa

⁶ Kon bonu in kobiagan monimu bo modapot in toonuka, dikabí motuḷung kon bangusa mita tatua ande baḻíon monimu mobiag motompia in mosia.

ULANGAN 23:6 Mawu Ofanana

SAMUEL 2 12:31

Koḻikud intua intau mita inta nogutun kon tua dinia, bo pinoki diaan in garagaji, pasoḷ uatoi, bo boḻiung uatoi bo mosia in pinoki aidan kon tampat pogogaidan kon tela. Soaḷ tatua pinomianea doman kon intau mita inta nogutun kon kotá mita in Amon ibanea. Nopaḷut mako kon tua ki Daud takin tontaranea mita nobuidon kon Yerusalem.

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

EZRA 9:12

Nabi mita tatua in nogimaḷow kon inami sinbá diá motonibuḷoi in intau mita tatua, andeka mobantung kon i monia sinbá mobiag mooyúon bo motompia. Aka kami in motoindudui, kami in mobaḻídon moropot bo mokaandon kon bungai in pinomuḷa kon butá tatua bo mobogoi kon buí nami modapot in mononoi.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

PINOGIAPAN 24:10

Sinumorú in ki Balak bo nongurongkom kon koyungkumnea poḷat noguman kon i Bileam, “Iko inoiníku sin mongutuk kon musungku mita, táe naa in kotoḷumudon binarakatan in mosia.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.