ULANGAN 23:23 - Alkitab Singog In Mongondow Masa In Tanaa

²³ Táe aka ibogmubí tontaní in modandi kon i Tuhan Allahmu, yo mustibí intompodan monimu intua.

ULANGAN 23:23 Mawu Ofanana

MAZMUR 116:18

Akuoi in mogintompodbí kon dandiku kon i Tuhan, kon tayowon in bayongan in umat-Nea

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

AMSAL 20:25

Raipa muna kopiraan kon dodai in diápa mopodandi in kuruban kon i Tuhan. Dika-dika bo momanasaḷ in iko in kon singgai moiduduimai.

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

IMAMAT 27:2

in atorang tanaa kon bangusa Israel. Aka intau tobatú pinosumba kon i Tuhan sin motobut kon dandinea inta ain sinantú, yo intau tatua in motaaubí tobutonnea in doit

PINOGIAPAN 30:2

Aka ḷoḷaki tobatú modandi takin mongibot kon i Tuhan, dá sia in sinumogotdon kon tobatú dandi, sia in musti mogaid kon onu inta ain pinodandinea tatua, bo diábí motaau in monginggamá kon onu inta ain siningognea.

MATIUS 5:33

“Moiko ain nokodongog doman kon onu inta ain pinoguman i Tuhan kon mogoguyang naton: donaai moḷagui kon dandi, Onu inta ain pinodandimu takin ibot kon tayowon i Allah, musti aidaimu intua.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

OUMAN IN RASUL MITA 23:21

Tongá donaaibí duduian i Tuang onu in poigumon monia tua. Sin oyúonbí in noiḻiumai kon opat nopuḷú in intau nongkon imonia tua in nogadop kon daḷan sin monomayá moḷabot kon i Paulus kon yuak in daḷan. Intau mita tatua ain nongibot poḷat nongutuk kon mosia in diápabí mopongaa-ngaan bo moponginu-nginum aka diápa koḻimodan monia in ki Paulus. Tanaa in mosia aindon nobasadia, dongka bidon mogoḷat kon singog i Tuang.”

ULANGAN 23:22

Moiko in diábí baradosaan aka diá modandi kon i Tuhan.

ULANGAN 23:24

Aka moiko bo koyogot mayá bo sinumaḻib kon gobá in anggur in intau ibanea, yo motaaubí in moiko mokaan kon bungai in anggur tongonukabí in koibog monimu, táe diábí motaau mobonu kon karansi.

YOSUA 9:18

Táe intau in Israel diábí motaau in moḻimod kon i monia, sin itoi mita in Israel ain nongibot kon i monia pinodoyon kon tangoi i Tuhan Allah in Israel. Bayongan umat in Israel nongunsingog kon soaḷ tatua kon itoi mita monia.

HAKIM MITA 11:35

Naonda in inontong i Yepta in sia, noajardon totok in gina i Yepta dá sia nomisi-misídon kon ḷambungnea, poḷat noguman, “Kaasí adíku, morumbundon in dodobku! Nongonu sin mustibí iko in mokororiga totok kon ginaku? Akuoi ain nongibot kon i Tuhan, bo diá bidon intua motaauku inggamáan bui!”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.