ULANGAN 23:21 - Alkitab Singog In Mongondow Masa In Tanaa

²¹ Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

ULANGAN 23:21 Mawu Ofanana

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

AYUB 22:27

Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

MAZMUR 116:18

Akuoi in mogintompodbí kon dandiku kon i Tuhan, kon tayowon in bayongan in umat-Nea

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

MAZMUR 56:12

Akuoi in mopirisaya kon i-Nia, dá diábí in akuoi moondok, intau in diábí mokopongonu kon inakó.

MAZMUR 61:8

Igumon mako momarenta in sia modapot in mononoi saḷaku datu inta piniḻí-Mu, o Allah, Oḻiungaidon in sia in tabi bo kososatia-Mu.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

IḶUAIAN 22:24

Tumorú in Akuoi bo moḻimod kon i monimu kon bonu in parang, modapot in ki buḷoi monimu mita mobaḻídon dongka boba-bobay, bo ki adí monimu in mobaḻídon diá ko amá.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YUNUS 1:16

Intau mita in kapaḷ tatua nobaḻídon noondok totok kon i Tuhan, bo naonda in sinumubu, mosia in noposumba in kuruban bo nopodandi in noyagi-yagimai kon i Tuhan.

YUNUS 2:9

Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki Tuhan inta noposaḷamat.”

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

MATIUS 5:33

“Moiko ain nokodongog doman kon onu inta ain pinoguman i Tuhan kon mogoguyang naton: donaai moḷagui kon dandi, Onu inta ain pinodandimu takin ibot kon tayowon i Allah, musti aidaimu intua.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 15:3

Moiko in motaaubí in moigum kon doit inta pinoḷuanmu kon intau ango-angoi, táe diábí motaau in moigum kon doit inta pinoḷuan monimu kon intau tobangusamu.

ULANGAN 23:18

Ná doman tua in doit inta nouḻí kon pinosundaḷan tatua in diábí motaau in diaan kon Baḷoi i Tuhan Allahmu sin poguboḻi kon dandimu, sin kinodoíbí i Tuhan Allahmu in bobay sundaḷ kon kuil mita pososumbaan bo boḻi in pinosundaḷan.

ULANGAN 23:22

Moiko in diábí baradosaan aka diá modandi kon i Tuhan.

SAMUEL 1 20:16

dikabí bontowon in dodandian kon sigad natonda. Aka modapot in mobontow, yo ki Tuhandon in mohukum kon inimu.”