ULANGAN 22:8 - Alkitab Singog In Mongondow Masa In Tanaa

⁸ Aka moiko moposindog in baḷoi, yo musti tondokon monimu in ḻibunea potombutung kon kokiap in atopnea. Dá deemanbí tanggung jawabmu aka oyúon in intau in moḷabú nongkon atop tatua bo matoi.

ULANGAN 22:8 Mawu Ofanana

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

IḶUAIAN 22:6

Ki ine in momiag kon tuḷú kon gobánea tontaní bo tuḷú tatua iḷumekep kon gobá intau ibanea bo nomokak kon bayongan gandum inta koyogot mobiag ande pangkoi mita in gandum inta bagupa iratab, dá intau inta nomiag kon tuḷú tatua musti moguboḻi kon karugian tatua.

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEHEZKIEL 3:18

Aka Akuoi mopotaau kon intau moraat tobatú in matoibí, táe iko in diá mopotoingat kon inia sinbá baḷuiannea in gogutúnea modapot in sia mosaḷamat, dá matoi in sia saḷaku intau inta binaradosa, bo totaau kon kinopatoiannea in moibaba kon inimu.

YEHEZKIEL 3:20

Aka intau inta mopia momangkoidon momia kon dosa, bo sia in potayow-Ku kon anib, dá sia in matoibí aka iko in diá mopotoingat kon inia. Sia in matoibí popisí in dosanea mita, bo aidnea mita inta mopia in diá bidon toropon-Ku. Táe totaau kon kinopatoiannea in moibaba kon inimu.

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

MARKUS 2:4

Táe popisí in mobarong totok in intau, dá diá in mosia noiyaput kon i Yesus, dá noponik in mosia bo nomukat kon atop in baḷoi inta kon tombutungmai i Yesus. Onda intua sinuntundon monag monia in intau ḻempeng tatua pinoyotakin in boḷad tosiugannea.

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

SURAT I PAULUS KON JAMAAT RUM 14:13

Manangka intua donaaidon mosipotaḷáan in kita. Táe aidai in naa, poramuji sinbá moiko in diá mogaid kon onukadon inta mokopopisí kon i utatmu inta tumpaḷa Keresten in mogaid kon inta moitaḷá.

KORINTUS 1 10:32

Kobiag mokopotompia bá diá tongá mokobaradosa kon bayongan in intau; pinomayá intau in Yahudi ande Yunani ande jamaat i Allah.

ULANGAN 22:7

Moiko in motaaubí mogamá kon i adínea mita, táe pomayádon mako in ki inánea ḷumayug, sinbá moumur in kobiaganmu bo mobiag motompia.

ULANGAN 22:9

Dikabí momuḷa kon pinomuḷa ibanea kon gobá in anggurmu kon ḻikudbí in anggurmu. Aka moiko momuḷa doman, yo moiko in diábí motaau mogamá kon bungai in boyó kon gobá tatua, pinomayá anggur ande pinomuḷa ibanea mako.

PILIPI 1:10

Sahingga in kotaauandon monimu in momiḻí kon onu inta totok in mopia, bo kobobiagmu in diádon singkuḻeon ande poponapudan in onuka kon singgai ki Kristus moiangoidon bui.

TESALONIKA 1 5:22

Bo mokopoyayú kon bayongan inta moraat.

SAMUEL 1 9:25

Nopaḷut mako kon tua nosiḻigdon in mosia nongkon tampat pinoibadaan tatua bo minayá in kotá. Ki Saul pinosadiaan kon pinosiugannea kon tudu in baḷoi,