ULANGAN 22:21 - Alkitab Singog In Mongondow Masa In Tanaa

²¹ dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.

ULANGAN 22:21 Mawu Ofanana

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

IMAMAT 19:29

Dika mopoompámai in tangoi i adímu mita bobay takin mopobaḻí kon i monia bobay sundaḷ kon kuil. Aka momia kon natua yo moiko in aindon noporomúmai kon butámu, bo oaid mita inta moromú tatua mongawasadon kon tua.

IMAMAT 20:2

mopotaau in naa kon bangusa Israel, “Bayongan intau kon sigad monimu ande intau ango-angoi inta nogutun kon sigad monimu inta mopokuruban in adínea kon i Molokh, musti ara bo in bayongan intau dapot in sia matoi.

IMAMAT 21:9

Aka ki adí bobay in imang mobaḻí sundaḷ, yo sia tua in mopoompámaidon kon i amánea bo musti turubon dapot in matoi.

IMAMAT 24:16

bo hukumon matoi. Ki ineka in mogodi-godimai kon i Tuhan musti ara bo in batu in bayongan jamaat dapot in matoi. Hukum tatua pouma kon intau Israel ande kon intau ango-angoi inta ain nogutun notantú kon Israel.

IMAMAT 24:23

Naonda in nopaḷut mako in ki Musa nopotaau in tosingogon tatua kon bangusa Israel, mosia nodia kon intau inta nogodi-godimai kon i Allah tatua pinoḷuai kon ḷoḷaigan bodongka inarab in batu dapot in minatoi. Tua in pinomia in intau Israel podudui in parenta i Tuhan kon i Musa.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 17:5

yo intau inta kotaḷá in musti diaan kon ḷuai in kotá bo ara bo in batu dapot in matoi.

ULANGAN 17:7

Sakusi mita in musti muna mogandur in batu inta muna kon intau tatua, bo duduiai in bayongan rayat. Aid tatua moponiata kon moiko in monginggamá kon aid moraat tatua.

ULANGAN 19:19

sia in mustibí motarima kon hukuman inta pinoponiat kon musungnea tatua. Aka natua in aidan monimu yo moiko in monginggamádon kon inta moraat tatua.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

ULANGAN 22:22

Aka ḷoḷaki tobatú kinoumaan koyogot in nosiug takin ki buḷoi in intau ibanea yo taya dua tua tumpaḷa hukumon matoi. Aid monimu natua monginggamá kon inta moraat tatua.

ULANGAN 22:24

Kon pelekara natua mosia in musti diaan poḷuai kon kotá bo ara bo in batu dapot in matoi. Mongodeaga tatua in musti ḻimodon sin sia in diá nomaḷú mokituḷung, bo tua in nobaḻí kon bonu in kotá, inta aka sia momaḷú yo kodongoganbí. Bo ḷoḷaki tatua in musti doman ḻimodon sin sia ain nosiug takin mongodeaga inta ain kinantangan. Takin mohukum kon i nayadua tua, yo moiko in monginggamádon kon inta moraat tatua.

HAKIM MITA 19:23

Guranga tatua iḻumuai bo noguman kon i monia, “Dika, uḻe utat mita! Poigumonku, dika momia kon inta moraat bo inta diá patus ná tua, sin sia tua in mokokiangoiku.

HAKIM MITA 20:10

Mopuḷú noporosen nongkon bayongan in ḷoḷaki kon Israel in musti moposadia in kaanon kon i monia inta mayá moparang. Ibanea in mayá monubu kon Gibea sin mohukum kon i monia popisí in aid monia inta moraat inta pinopoaid monia kon sigad in umat in Israel.”

HAKIM MITA 20:5

Onda intua intau mita in Gibea namangoi wakutu in doḷom sin motayak kon inakó. Iḻipungdon monia in baḷoi inta pinongandupanku sin makusud moḻimod kon inakó, táe onda intua mosia in nomogutú kon i buḷoiku ibanea tatua nodapot in minatoi.

HAKIM MITA 20:6

Dá ginamákudon in mayatnea bodongka pinongko-pongkó bo pinoki dia in pongkóan mita tatua kon suku in bangusa naton inta mopuḷú bo doyowa tua, tumongo pongkó in tongo suku. Tua in pinomiaku sin intau mita in Gibea tua in nomiadon kon inta moraat bo mokopooyámai kon umat in Israel.