ULANGAN 22:1 - Alkitab Singog In Mongondow Masa In Tanaa

¹ Aka sapi ande domba kapunyaan in intau tobangusamu noiḷangkam bo moiko nokoontong kon bobiagon tatua, yo dikabí in iko ki ubo-uboḷmai diá nonotaau, táe diábí in bobiagon tatua kon itoginea.

ULANGAN 22:1 Mawu Ofanana

AMSAL 24:11

Dikabí moondo-ondok in mopoḷuat kon intau inta ain pinopoḷabúan in hukuman matoi; posaḷamat in intau inta diaandon kon tampat pobambéan.

AMSAL 27:10

Dika koḻiongan in yobayatmu andeka yobayat i amámu. Kon bonu in roriga dikabí mokituḷung kon i utatmu; topodiugmu inta modagin in mobara-baraguna nongkon i utatmu inta moyayú.

AMSAL 28:27

Ki ine in mobogoi kon intau bogá diábí in sia kodaitan. Ki ine in doí moindoi kon onu in paraḷu in intau bogá, yo butungonbí.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

IMAMAT 20:4

Aka intau mita tongá mopomayá mako in dodia in intau natua bo diá mopoḷabú in hukuman matoi kon inia,

ZAKHARIA 7:9

“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau.

MATIUS 10:6

Táe bayádon kon intau mita in Israel, inta nongoiḷaḻe.

MATIUS 15:24

Táe ki Yesus in notubag, “Akuoi pinotabá mamangoi sin motayak kon intau mita in Israel inta nongobuḻi.”

KORINTUS 1 9:9

Kon buk i Musa pinais nanaa, “Donaaibí pomponan monimu bibig in sapi inta koyogot in moritak kon gandum sin moripú kon batoḷnea.” Eta degá sapibí tatua in umuran tarukiraan mako i Allah?

ULANGAN 22:2

Aka kitoginea noyayú in baḷoi, ande diá kinotaauan monimu mongo ki ine in kitoginea, yo diá in bobiagon tatua kon baḷoimu. Aka kitoginea mamangoi motayak yo ogoidon bui kon inia in biag tatua.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.