ULANGAN 21:8 - Alkitab Singog In Mongondow Masa In Tanaa

⁸ Tuhan, ampungaidon in Israel umat-Mu inta pinoḷuai-Mu nongkon Mesir. Ampungaidon in kami bo dikadon mopobaba kon inami in taḷá kon intau inta iḻimod diá kotaḷá tatua.’

ULANGAN 21:8 Mawu Ofanana

SAMUEL 2 3:28

Naonda in kinodongogan i Daud in soaḷ tatua, noguman in sia, “Kinotaauanbí i Tuhan kon akuoi bo rayatku in diábí in taḷá kon pinoḻimodan kon i Abner tatua.

DATU MITA IMITÁNEA 2:31

Nokodongogmai kon tua, noguman in ki datu, “Bayádon bo aidaidon onu inta pinogumannea tatua. Ḻimod in sia bo ḷobong, sinbá akuoi bo bayongan buí i amáku in diádon motanggung kon pinoḻimodan i Yoab kon intau mita inta diá kotaḷá.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEHEZKIEL 23:3

Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

YUNUS 1:14

Tuamai in nokuani in mosia kon i Tuhan, “O Tuhan, kami in mopoigum kaasí, donaaidon pomayá mako in kami matoi popisí in mogamá kon nyawa in intau inta diá nogaid kon onuka in taḷá kon inami. O Tuhan, Iko in nomiadon kon onu in kinoibog-Mu.”

MATIUS 23:35

Tuamai, moiko in motanggung kon oaid monimu inta moḷoḻimod kon intau mita inta diá kotaḷá, pinangkoipamai kon i Habel intau inta mopia tua, modapot kon i Zakharia ki adí i Berekhya, inta iḻimod monimu kon sigad in tampat mokudus bo meja pototuduan kon sosumba.

ULANGAN 21:7

bo moguman, ‘Deemanbí kami in noḻimod kon intau tatua, bo diá doman kinotaauan nami mongo ki ine in noḻimod.