ULANGAN 21:22 - Alkitab Singog In Mongondow Masa In Tanaa

²² “Aka intau tobatú ihukumdon minatoi sin nogaidon kon inta moraat, bo mayatnea in binambé kon oigi,

ULANGAN 21:22 Mawu Ofanana

KINOBAḺIAN 40:19

Toḷupa nosinggai naa ki datu mopotabádon kon intau momongkó kon uḷumu bodongka bambéonnea in mayatmu kon oigi tobatú, bo ḷagapan mita mamangoi mokaan kon tapúmu.”

SAMUEL 2 21:10

Bo ki Rizpa buḷoi i Saul inta diá inika, nopoompat in daing sosapi kon inia kon tudu in batu tampat pinopouḻidan in mayat mita tatua. Ki Rizpa in diábí nonaḷámai kon tampat tatua pinangkoi kon pinomangkoian pinonoḻisían kon bungai in boyó nodapot in nonguyan kon sempo in kinototakan. Diábí pinomayánea mako in mayat mita tatua in sinuyayow in ḷagapan mita kon dodai in singgai andeka mahaḷuk mita mokokaan kon tapú kon dodai in doḷom.

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

SAMUEL 2 21:9

Mosia in inogoidon kon intau mita in Gibeon, bo taya pitu tatua in minatoi noyotakin binambé kon tudu in buḷud kon tayowon i Tuhan. Hukuman minatoi tatua pinomia kon imbuit in sempo in pononubú, kon wakutu in momangkoidon moratab kon makoya.

SAMUEL 2 4:12

Nopaḷut mako kon tua nomarentadon in ki Daud kon intaunea noḻimod kon i Rekhab bo kon i Baana. Nopaḷut mako iḻimod, ḻima bo sioḷ monia pinongkó bo binambé kon diug in tabang. Táe uḷu i Isyboset tatua in ginamá bo iḷobong kon kotá tatua doman kon bonu in pinoḷobongan kon i Abner.

PINOGIAPAN 25:4

“Domokdon in bayongan intau inta nobaḻí itoi mita in bangusa tatua bo ḻimod in mosia kon tayowon in intau mobarong sin moponiata mogaid kon onu inta pinarenta-Ku, sinbá Akuoi in diádon tumorú bui kon bangusa tatua.”

MATIUS 26:66

Aka podudui in raian monimu yo naonda?” Tubag monia, “Kotaḷá in Sia, musti hukumon modapot in matoi.”

MARKUS 14:64

Sin dinongogdon monimu tontaní in hojatan-Nea kon i Allah. Yo onu in kaputusan monimu in tanaa?” Pinutusdon monia kon kotaḷá in ki Yesus bo patus hukumon matoi.

LUKAS 23:33

Naonda in noidapotdon kon tampat inta sinangoian “Ḷungkaká”. pinopopakúdon monia kon kayu pinoyotaḻempang in ki Yesus takin intau moraat doyowa tua. Tobatú in kon dotá in koḷanan bo tobatú in kon dotá in koḷoigi i Yesus.

OUMAN IN RASUL MITA 23:29

Tongá nouḻíkumai sia naa in diábí kotaḷá inta patus pohukuman kon inia dapot in matoi andeka bonuon kon ponjara. Onu in pinonapud monia tua in tongábí soaḷ hukum mita in agama monia tontaní.

OUMAN IN RASUL MITA 25:11

Aka akuoi bo totu-totuu kotaḷá inta motaau baḻíon monimu dodoyonan pohukuman kon inakó dapot in matoi, yo kodu-koduduibí in akuoi. Táe aka onu in pinonapud monia tua bo diá totuu, yo diá in tobatúmai intau in kohak moposarakan kon inakó sin tongá popisí in ogoi ponotabi kon i monia nion. Akuoi in monuntut kon tantúondon kon pongadilan i Kaisar!”

OUMAN IN RASUL MITA 25:25

Táe diábí kinouḻíanku in sia kon taḷá tobatúmai inta motaauku baḻíon dodoyonan pohukuman kon inia modapot in matoi. Bo siabí tontaní in nopoigum sinbá pelekaranea tatua in tantúondon kon pongadilan i Kaisar, dá tuamai in sinantúkudon kon sia in diaandon kon i Kaisar.

OUMAN IN RASUL MITA 26:31

Naonda in kon ḷuai, nosigumanan in mosia, kai monia, “Diábí in tobatúmai in taḷá kon intau tanaa in nouḻí naton inta motaau baḻíon dodoyonan pohukuman kon inia dapot in matoi andeka pomonjaraan kon inia.”

ULANGAN 22:26

Mongodeaga tatua in diábí motaau bongkugon sin sia in diábí nomia kon inta patus pohukuman kon inia dapot in matoi. Pelekara tatua in naonda bo pelekara in intau tobatú inta nonubu kon intau tobatú bo poḷat noḻimod.

YOSUA 10:26

Bo ki Yosua noḻimod kon datu mita tatua bo pinopobambé monia kon oigi ḻima. Mayat monia pinomayádon mako kon tua nodapot in ḷoḷabungnea.

YOSUA 10:27

Kon dodai in mata in singgai sinumoyop, podudui in parenta i Yosua, mayat mita tatua pinopoponag bodongka binayá pinogonag kon bonu angob inta pinogadopan monia koina. Onda intua batu mita moḷoben pinopotaḷob kon bibig in angob tatua. Umaai in tanaa batu mita tatua kon tuapa doman.

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.

SAMUEL 1 26:16

Iko nion in diá mokoaid kon oaidanmu, Abner! Podoyon kon i Tuhan inta nobiag moiko komintan in patusbí matoi, sin diá noḷukad kon i tuangmu, datu inta piniḻí i Tuhan. Tungkuḷaika indoiai! Kon onda degá in pandong i datu? Kon onda degá in tampat in tubig inta inukat kon uḷuannea?”