ULANGAN 21:12 - Alkitab Singog In Mongondow Masa In Tanaa

¹² Diadon in bobay tatua kon baḷoimu. Kon tua in sia musti mokigonsing in buoknea, mongingkonuku,

ULANGAN 21:12 Mawu Ofanana

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 14:9

Kon singgai noginpitu sia musti mokigonsing in buok, kumi, koibing bo bayongan bubuḷ inta kon awaknea. Bo sia musti momatá kon pakeangnea bo moinggú. Bain mopaḷut mako kon tua sia modaritdon.

PINOGIAPAN 6:9

Aka buok in nazir tobatú inta ain sinantú kon i Tuhan tua bo nobaḻídon nonajis popisí in sia baḷú noidiug kon intau minatoi, dá musti in sia mogoḷat pitu nosinggai in koonggotnea; bain mopaḷut mako kon tua sia mokibangkuḷug in uḷu bo kuminea, bain tua bo mobaḻí in sia modarit.

KORINTUS 1 11:5

Tongá aka bobay bo mosambayang ande mopoyaput in Habar Mopia nongkon i Allah bo diá mogi koḷob in uḷu, yo tua in mangaḻenea diá hargaannea in ki buḷoinea ḷoḷaki inta nobaḻí tongguḷunea. Bobay tatua in naonda bo intau inta nokiḷogatdon.

KORINTUS 1 11:6

Sin podudui in kabiasaan kon jamaat, aka bobay bo doí mogikoḷob in uḷu yo maníka poki ḷogatdon in buoknea tua. Táe aka mokiḷogat ande mokigonsing domandon in sia, yo tua in notongkai bidon in mokopohinamai kon inia tontaní. Manangka intua sia in musti mogi koḷob in uḷu.

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

ULANGAN 21:11

degá kon sigad monia tua oyúon in bobay moḷunat tobatú inta kinoibogmu bo ibogonmu in baḻíon in sia buḷoi.