ULANGAN 20:8 - Alkitab Singog In Mongondow Masa In Tanaa

⁸ Porwira mita in musti doman moguman nanaa kon inimu, ‘Oyúon degá in kon sigad monimu nion in mouyot bo moondok? Aka oyúon, motaaubí in sia mobui, sinbá sia in diá mokoponag kon gina in intau ibanea moparang.’

ULANGAN 20:8 Mawu Ofanana

AMSAL 24:10

Aka iko kobuḻian in kamang kon dodai in kosisíannea, dá intaubí moyangkó in iko.

PINOGIAPAN 13:31

Táe intau mita inta nobui mangoi takin i Kaleb tatua noguman, “Diá, kita diá mokosanggup in monubu kon i monia. Intau mita kon butá tatua in moropo-ropot nongkon inaton.”

PINOGIAPAN 32:9

Mosia noidapotdon kon Ḷopá in Eskol bo nokoontong domandon kon butá tatua. Táe kon dodai in mosia nobui, ginogondokdon muna monia in bangusa Israel in tumuot kon butá inta inogoi i Tuhan kon i monia.

LUKAS 9:62

Táe ki Yesus in notubag, “Pomuḷoi in intau inta momangkoidon momajeko, bo mobobuipa ná tumi, yo sia tua in diábí patus mobaḻí umat i Allah.”

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 20:9

Naonda in porwira mita tatua nogumandon kon tontara, musti momiḻí kon guhanga mita kon batúan in paanan.

ULANGAN 23:9

“Kon tungkuḷ in moiko koyogot moparang, moiko in mustibí yumayú kon bayongan yagi-yagi inta mokopopisí kon i monimu monajis.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 3:16

Moiko nion in moanai; diá mopatú, táe diá doman motumping. Tuamai moiko in ḷuáan-Ku nongkon bonu in bibig-Ku.

HAKIM MITA 7:3

Dá, potaaudon kon intaumu mita, ‘Ki ine in moondok, yo musti ḷagi monaḷámai kon Buḷud in Gilead tanaa bo mobui kon baḷoinea.’ ” Dá 22.000 intau in nobui; bo tongádon 10.000 in kon tua.