ULANGAN 20:7 - Alkitab Singog In Mongondow Masa In Tanaa

⁷ Oyúon degá in kon sigad monimu in intau inta nongantangdon bo mobuḷoidon? Aka oyúon, motaaubí in sia mobui. Sin aka in sia bo koḻimodan kon parang, yo intaudon ibanea in motonibuḷoi takin i kantangnea.’

ULANGAN 20:7 Mawu Ofanana

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

ULANGAN 20:6

Oyúon degá in kon sigad monimu in bagu nomuḷa kon anggurnea bo diápa nokoposipú kon bungai mita in anggurnea? Aka oyúon, yo motaaubí in sia mobui. Sin aka sia koḻimodan kon parang, yo intaudon ibanea in monginum kon tubig in anggurnea.

ULANGAN 24:5

“Ḷoḷaki tobatú inta bagu nobuḷoi diábí motaau in pokituotan tontara bo mayá moparang ande mogaid kon oaidan ibanea. Sia in mustipabí ḷuatan kon oaidannea kon bonu in totaong sin monompia kon tonibuḷoinea bo moposanang in gina i buḷoinea.

ULANGAN 28:30

Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.