ULANGAN 20:5 - Alkitab Singog In Mongondow Masa In Tanaa

⁵ Onda intua porwira mita musti mopotaau in tosingogon mita tanaa kon inimu, ‘Oyúon degá in kon sigad monimu in intau inta bagu noposindog in baḷoi, táe diápa nomia kon upacara kinoḷapatannea? Aka oyúon, yo motaaubí in sia mobui. Sin aka sia koḻimodan kon parang, dá intau ibaneadon in mogutun kon baḷoinea.

ULANGAN 20:5 Mawu Ofanana

NEHEMIA 12:27

Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

MAZMUR 30:1

Mazmur i Daud. Dondong pongimpaḷutan kon baḷoi i Allah.

PINOGIAPAN 31:14

Sinorúan i Musa in tontara mita inta pangkat mongoḷantud, itoi mita in tontara bo tongguḷu in parang inta bagu nobui kon pinoparangan.

PINOGIAPAN 31:48

Onda intua porwira mita inta ain nodia kon tontara mita in intau Israel, minayá kon tayowon i Musa

ULANGAN 1:15

Tuamai kon sigad in itoi mita inta piniḻí monimu, tongonumai in intau inta mobijaksana bo inta kopongalaman ginamáku bo binaḻíkudon tongguḷu kon i monimu. Oyúon in binaḻí itoi kon intau toribu, ibanea doman in binaḻí itoi kon intau mogatut, ibanea in itoi kon intau ḻima nopuḷú bo ibanea in itoi kon intau mopuḷú. Akuoi in noduí doman kon itoi mita ibanea sin moindoi bo monompia kon sukumu mita.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

ULANGAN 20:6

Oyúon degá in kon sigad monimu in bagu nomuḷa kon anggurnea bo diápa nokoposipú kon bungai mita in anggurnea? Aka oyúon, yo motaaubí in sia mobui. Sin aka sia koḻimodan kon parang, yo intaudon ibanea in monginum kon tubig in anggurnea.

SAMUEL 1 17:18

Podiaai domandon kon mopuḷú nobatú in keju tanaa kon itoi in tontara. Ḻibódon mongo naonda in kaadaan i guya-guyangmu mita, bo podiaaidon mangoi in akuoi kon tomponuot kon iko in noyodungkuḷdon monia bo mosia tua in nopia-piapabí.