ULANGAN 20:19 - Alkitab Singog In Mongondow Masa In Tanaa

¹⁹ Aka moiko monubu kon kotá tobatú bo mongopung moonggot, dikabí momupuḷ kon pangkoi mita in ayop kon tua. Kaandon in bungainea mita, táe dika poguyaaton in pangkoinea, sin pangkoi mita in ayop tatua in deemanbí musungmu.

ULANGAN 20:19 Mawu Ofanana

DATU MITA 2 3:19

Bayongan in kotá monia inta dininding bo inta mongogaga in umpagonbí monimu; bayongan pangkoi in ayop pupuḷon monimu, bayongan in bokaká in bumbunan monimu, bo bayongan in gobá monia inta mongopia in anduronbí monimu in batu modapot in mogoguyaatdon totok.”

DATU MITA 2 3:25

bo nomoguyaat kon kotá monia. Bayongan in gobá inta mopia inta kotaḻiban monia, anduron monia in batu. Imbuitnea bayongan in gobá kinobumbunandon in batu. Intau mita in Israel in nomumbun domandon kon bayongan bokaká bo nomupuḷ kon bayongan pangkoi in ayop. Inta kinotaḷáan in dongkadon kotá in Kir-Hareset, ibukotá in Moab. Imbuitnea kotá tatua iḻibutan bo inandur in batu in intau mita inta momaké in popakot.

YEREMIA 6:6

Ki Tuhan Inta Totok in mokawasa ain nomarenta kon mongongawasa mita tatua sinbá momupuḷ kon pangkoi mita in kayu bo moposindog in tombuḷud mita poḷukadan sin monubu kon Yerusalem. Ki Tuhan in noguman, “Kotá tanaa in hukumon-Ku sin kon bonunea in inaidandon in nobayong totok in aid mopororiga.

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 3:10

Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

ULANGAN 20:18

Ḻimodon in mosia, sinbá mosia in diá mokopopisí kon i monimu mogaid kon dosa kon i Tuhan Allahmu sin tundúon monia in moiko mogaid kon inta moromú kon ilah mita monia.

ULANGAN 20:20

Pangkoi in kayu mita ibanea in motaaubí pupuḷon monimu sin aidan tondok pongopungan modapot in kotá tatua potungkudon.”

ULANGAN 26:6

Intau in Mesir nopoaid kon inami in inta moraat totok bo momakisa kon inami mogaid nobaḻí ata.