ULANGAN 20:18 - Alkitab Singog In Mongondow Masa In Tanaa

¹⁸ Ḻimodon in mosia, sinbá mosia in diá mokopopisí kon i monimu mogaid kon dosa kon i Tuhan Allahmu sin tundúon monia in moiko mogaid kon inta moromú kon ilah mita monia.

ULANGAN 20:18 Mawu Ofanana

DATU MITA 2 21:3

Tampat mita pososumbaan kon dewa inta ain inumpag i Hizkia ki amánea in buineabí pinosindog. Noposindog in sia in mezbah mita sin poibadaan kon i Baal, bo nogaid kon patong i Dewi Asyera, ná inta pinomia i Ahab datu in Israel. Ki Manasye in nosumba doman kon tundi mita.

IḶUAIAN 23:32

Dika mogaid kon dodandian takin intau mita tatua ande takin ilah mita monia.

IḶUAIAN 23:33

Dika pomayá mako monimu intau mita tatua mogutun kon butámu, sinbá moiko diá moidudui kon i monia mosumba kon ilah mita monia bo baradosaandon kon i-Nakó. Aka moiko mosumbadon kon ilah mita monia, yo moiko in noituotdon kon poyogaḷap inta mokopatoi.”

IḶUAIAN 34:12

Dika momia kon dodandian takin intau mita kon butá inta kobayáan monimu, sin tua in mobaḻídon poyogaḷap inta mokopopisí kon kopatoianmu.

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

ULANGAN 18:19

Sia in mosingogbí podoyon kon tangoi-Ku, bo Akuoi in mohukum kon i inekabí inta doí mokidongog kon inia.

ULANGAN 18:9

“Aka moiko tumuotdon kon butá inta inogoi i Tuhan Allahmu kon inimu, dikabí dumayan kon kororaat inta inaidan in bangusa mita kon tua.

ULANGAN 20:17

Ná inta pinarenta i Tuhan Allahmu, moiko in mustibí moyompat kon intau mita in Het, Amori, Kanaan, Peris, Hewi bo Yebus.

ULANGAN 20:19

Aka moiko monubu kon kotá tobatú bo mongopung moonggot, dikabí momupuḷ kon pangkoi mita in ayop kon tua. Kaandon in bungainea mita, táe dika poguyaaton in pangkoinea, sin pangkoi mita in ayop tatua in deemanbí musungmu.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

YOSUA 23:13

yo torop, kon notantú bidon kon ki Tuhan Allahmu in diábí mopoguntun in bangusa mita tatua sin kopiaan monimu. Sedang bo mosia tua in totokbí in mokobahaya kon i monimu, sin mosia tua in mobaḻídon naonda bo poyogaḷap kon i monimu. Pororigaandon totok monia in moiko; sin mosia in mobaḻídon naonda bo sambok kon ḻikudmu ande naonda bo dugi kon bonu in matamu. Moiko in umurandon mororiga modapot in diádon intau tobatúmai in kon sigad monimu in kotaḷáan kon butá inta mopia naa inta inogoi i Tuhan Allahmu kon inimu.

HAKIM MITA 2:3

Dá, indongogai in tanaa! Diábí poguntunon-Ku in intau mita tanaa aka moiko moparang takin i monia. Mosia in mobaḻíbí musungmu mita, bo moiko in moibaaḷbí, modapot in moiko moiduduidon mosumba kon dewa mita monia.”