ULANGAN 20:10 - Alkitab Singog In Mongondow Masa In Tanaa

¹⁰ Aka moiko mayá sin monubu kon kotá tobatú, ogoiaipa muna in kasampatan in intau mita inta nogutun kon tua tumungkud kon tayowon monimu.

ULANGAN 20:10 Mawu Ofanana

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

ZAKHARIA 9:10

Ki Tuhan in noguman, “Kereta mita in parang nongkon Epraim in ḷumbúon-Kubí, bayongan in kabaḷo kon Yerusalem in yopúon-Kubí bo bayongan in piot in tokorimumudon-Kubí. Datumu in mopotaaubí in dodamean kon sigad in bangusa mita. Nongkon dagat mopobayá in dagat siabí in mongawasa, nongkon Ongkag in Eprat nodapot in popod in dunia.”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

KORINTUS 2 5:18

Tua komintan in inaidanbí i Allah. Ki Kristus tua inta pinaké i Allah nobaḻí tonsigad nopoyodame takin-Nea. Onda intua Sia in nopotabá kon inami sinbá intau mita ibanea motaau doman in mamangoi moyodame takin i Allah.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

ULANGAN 2:26

“Onda intua akuoi nopotabá in tongonumai intau nongkon padang gurun Kedemot minayá kon i Datu Sihon nongkon Hesybon sin mopotaau in tosingogon dodamean nanaa:

ULANGAN 20:11

Aka mosia momukat kon ḷoḻingkop mita in ngara moḷoben bo tumungkud, yo mosia komintan in musti mobaḻí komintan bobantungmu mita bo musti mokoporajing in mogaid kon inimu.

ULANGAN 20:9

Naonda in porwira mita tatua nogumandon kon tontara, musti momiḻí kon guhanga mita kon batúan in paanan.

HAKIM MITA 11:12

Nopaḷut mako kon tua ki Yepta nopotabá in intau minayá kon i datu in Amon sin moguman nanaa, “Onu in taḷá nami nodapot in moiko in monububí kon butá nami?”

HAKIM MITA 21:13

Onda intua bayongan in umat in Israel nopotabá in intau minayá kon intau mita in Benyamin inta kon buḷud mita batu kon Rimon sinbá moyodamedon.