ULANGAN 2:30 - Alkitab Singog In Mongondow Masa In Tanaa

³⁰ Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

ULANGAN 2:30 Mawu Ofanana

DATU MITA IMITÁNEA 12:15

Onu inta pinoigum in rayat diábí inindoianneamai. Táe tua in kinoibogbí i Tuhan. Onu inta ain pinoguman i Tuhan pinongin i Nabi Ahia nongkon Silo soaḷ ki Yerobeam adí i Nebat in mustibí mobaḻí.

TAWARIKH 2 10:15

Onu in pinoigum in rayat tua in diábí pinandungneamai. Táe tua in inta kinoibogbí i Tuhan Allah. Onu inta pinoguman i Tuhan pinongin i Nabi Ahia nongkon Silo soaḷ ki Yerobeam ki adí i Nebat in mustibí mobaḻí.

IḶUAIAN 11:10

Ki Musa bo ki Harun nogaid kon bayongan inta mokoherang tatua kon tayowon i datu, táe binaḻípa i Tuhan motogat in ginanea, dá diápa doman inogoinea minayá in intau Israel nonaḷámai kon butánea tatua.

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 7:14

Onda intua ki Tuhan noguman kon i Musa, “Datu tatua totok motogat in gina; diábí ogoinea in intau Israel mayá.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

OMBAḶ 3:65

Kutukdon in mosia, bo biódon mako in mosia in mobiag kon bonu in diádon in kamang.

PINOGIAPAN 21:23

Táe diá inogoi i Datu Sihon in intau mita in Israel tumaḻib mongin butánea. Sinipunnea in tontaranea mita bo minayá kon i Yahas kon padang gurun bo nonubu kon intau in Israel kon tua.

PINOGIAPAN 21:33

Nopaḷut mako kon tua intau mita in Israel nomurow bo nongin daḷan nopobayá in Basan. Datu in Og nongkon Basan minayá takin tontaranea sin monubu kon intau mita in Israel kon kotá in Edrei.

PINOGIAPAN 21:34

Ki Tuhan noguman kon i Musa, “Dika moondok kon inia. Pountung-Ku in iko. Taḷowonmubí in sia bo takin intau inta nogutun kon butánea. Pomiadon in sia ná pinomomiamu kon i Datu in Sihon inta nomarenta kon Hesybon.”

ULANGAN 2:31

Onda intua ki Tuhan noguman kon inakó, ‘Datu in Sihon bo butánea Ogoi-Kudon kon inimu; gamá bo ḻitúaidon in butá tatua.’

HAKIM MITA 11:20

Táe diá inogoi i Sihon sin diá in sia mopirisaya kon mosia tua in tongábí tumaḻib. Sedang bo pinotabáneadon in tontara mita noposindog in tampat pososipunan kon Yahas bodongka nonubu kon Israel.