ULANGAN 2:29 - Alkitab Singog In Mongondow Masa In Tanaa

²⁹ modapot in kami ḷumoḷan kon Ongkag in Yordan sin tumuot kon butá inta inogoi i Tuhan Allah nami kon i nami. Buí i Esau inta nogutun kon Edom bo intau mita in Moab inta nogutun kon Ar nobogoi domandon kon i nami nongin butá monia.’

ULANGAN 2:29 Mawu Ofanana

KINOBAḺIAN 19:37

Adí guya-guyang nopononggadí in adí ḷoḷaki inta sinangoiannea ki Moab. Sia in nobaḻí mogoguyang intau in Moab inta masai naa.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

PINOGIAPAN 20:18

Táe intau in Edom notubag, “Moiko in diábí ogoi nami tumaḻib mongin butá nami. Aka moiko umuran doman moniat tumaḻib dá tubuon nami in moiko!”

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 2:9

Ki Tuhan noguman kon inakó, ‘Intau in Moab, buí i Lot, diábí motaau in tuyayowon monimu. Dika doman monubu kon i monia. Butá in Ar inogoi-Kudon kon i monia bo diábí topiḻikmai in butá monia in ogoi-Ku kon inimu.’ ” (

ULANGAN 23:5

Táe ki Tuhan Allahmu in doíbí nokidongog kon i Bileam. Táe binaḷuian-Neabí in kutuk tatua nobaḻí barakat, sin motabi in Sia kon i monimu.

ULANGAN 25:15

Paké in pononimbangan bo ukuran inta moitutui sinbá moumur in kobiaganmu kon butá inta inogoi i Tuhan Allahmu kon inimu.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:21

Táe ki Tuhan Allahmu sinumorúdon kon inakó popisí in moiko, bo Sia in nongibot kon akuoi in diábí moiḷoḷan kon Ongkag in Yordan sin tumuot kon butá mopia inta bain ogoi-Nea kon inimu.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

ULANGAN 9:6

Pokoyakin kon ki Tuhan Allahmu in diábí noposarakan in butá mopia tatua kon inimu popisí in moiko patus motarima kon tua. Deemanbí natua! Moiko nion in bangusabí inta motogat in gina.