ULANGAN 2:23 - Alkitab Singog In Mongondow Masa In Tanaa

²³ Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)

ULANGAN 2:23 Mawu Ofanana

KINOBAḺIAN 10:14

Patrusim, Kasluhim, bo Kaptorim. Bangusa Kasluhim tua in nobaḻí mogoguyang in bangusa Pilistin.

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

DATU MITA 2 18:8

Sinaḷownea in intau in Pilistin, bo nogagow kon tampat pinogutunan monia, nongkon ḻipú inta mointok noidapot in kotá inta totok in moḷoben, noitakin doman in Gaza bo butá mita inta kon diugneamai.

TAWARIKH 1 1:12

Patrusim, Kasluhim, bo Kreta. Mosia tuata inta nobaḻí mogoguyang in intau in Pilistin.

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

ZEPANYA 2:4

Kon kotá in Gaza diá in tobatúmai in intau in posaḷamaton. Askelon in moingongowdon diádon in mogogutunnea. Intau in Asdod in poguntunon kon wakutu in daḻíon tubuon kon dodai in moutu in singgai bo intau in Ekron in potabá mayá nongkon kotá monia.

ZAKHARIA 9:5

Kotá in Askelon bo Gaza in mokoontongbí kon inia bo angoian in ondok. Ekron in mokoontongbí doman bo kobuḻian in bayongan in kamangnea. Gaza in kobuḻian in datunea, bo Askelon in mobaḻí moingongow diá in mogogutun.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

YOSUA 10:41

Ki Yosua nonaḷow kon i monia, nongkon Kades-Barnea kon dotá in toḷatan nodapot in Gaza kon diug in bingkí in pintad, noituot doman in bayongan butá in Gosyen, turus nodapot kon Gibeon kon Utuan.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

YOSUA 15:47

Ná doman tua in Asdod bo Gaza takin kotá mita mointok bo ḻipúnea mita inta noibaya-bayá mako nodapot kon diug in tapá kon pinosigadan in Mesir bo pintad in Dagat Toyuak.

HAKIM MITA 1:18

Ki Tuhan notuḷung kon intua in Yohuda dá kinoagowan monia in butá kon buḷud. Táe diá kinoagowan monia in Gaza, Askelon ande Ekron bo butá mita kon diugneamai, sin bangusa mita inta nogutun kon bingkí mita in tubig oyúon in kereta mita in parang inta pinomia nongkon uatoi; tuamai intau mita in Yohuda in diá nokopoguntun kon i monia.