ULANGAN 2:15 - Alkitab Singog In Mongondow Masa In Tanaa

¹⁵ Ki Tuhan umuranbí moḷawang kon i monia nodapot in mosia noyopú komintan.

ULANGAN 2:15 Mawu Ofanana

MAZMUR 106:26

Dá takin ibot Sia in nodandi kon moḻimod kon i monia kon padang gurun.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MAZMUR 78:33

Dá inimbuitandon i Allah in kobiagan monia naonda bo poginaan, taong mita monia in nodait kon bonu in ondok.

YESAYA 66:14

Mokoontongmai kon tua, mopiabí totok in gina monimu bo moropotdon bui bo mosehat naonda bo bonok mobagu. Dá mogogundoi-Ku mita in mokoalamibí kon kawasa-Ku bo musung-Ku mita in mokorasa kon torú-Ku.”

PINOGIAPAN 14:28

Musti tubagan monimu nanaa in mosia: Ki Tuhan noguman, ‘Akuoi in mongibot podoyon kon tangoi-Ku tontaní inta nobiag kon moiko in pomiaan-Kubí ná inta pinoguman monimu kon tayowon-Ku. Akuoi, ki Tuhan, aindon nosingog.

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.

HAKIM MITA 2:15

Pomuḷoi in mosia mayá moparang, ḷawangon i Tuhan in mosia, ná inta ain pinopotoingat-Nea kon i monia. Dá mosia in kino antugandon in yoyiga inta totok in moḷoben.

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.

SAMUEL 1 7:13

Natuata in nobaḻí, intau in Pilistin sinaḷow. Diá inogoi i Tuhan in mosia sinumuot bui kon butá in Israel, kon dodai in ki Samuel nobiagpa.