ULANGAN 2:14 - Alkitab Singog In Mongondow Masa In Tanaa

¹⁴ Tua in nobaḻí toḷu nopuḷú bo waḷu notaong naonda in kita nonaḷámai kon Kades Barnea. Bayongan tontara kon dodai intua ain minatoi ná inta pinoguman i Tuhan.

ULANGAN 2:14 Mawu Ofanana

MAZMUR 106:26

Dá takin ibot Sia in nodandi kon moḻimod kon i monia kon padang gurun.

MAZMUR 90:15

Ogoiaidon in kami in kamang mopia potongkaion in roriga inta binaba nami kon bonu in taong mita inta nororiga.

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

MAZMUR 90:9

Kobiagan nami in mopoḷok popisí in torú-Mu, taong mita in kobiagan nami in modait naonda bo tompot poginaan.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

PINOGIAPAN 1:1

Kon singgai imitánea buḷan nogindua kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon bonu in Ḷoḷaigan i Tuhan kon padang gurun Sinai. Kai-Nia,

PINOGIAPAN 13:26

bo nopotaau kon i Musa, kon i Harun bo kon bayongan umat in Israel inta noyosipunmai kon Kades, kon padang gurun Paran. Inouman monia onu inta inontong bo pinoontong doman monia in bungai mita in kayu inta dinia monia.

KORINTUS 1 10:5

Táe umpaka natua yo nobayongbí doman in kon sigad monia tua in kinodoí i Allah. Tuamai in nobarong kon sigad monia in minatoi kon padang gurun.

ULANGAN 1:19

“Bo pinodudui kon parenta i Tuhan Allah naton, kita in monaḷámai kon Buḷud in Sinai bo mayá mongin padang gurun inta mobendar bo motoyang mopobayá ná buḷud mita in intau Amori. Kon dodai in kita modapot kon Kades-Barnea,

ULANGAN 1:2

Nongkon Buḷud in Sinai nodapot in Kades-Barnea noitaḻib in butá inta kon buḷud in Edom, mopuḷú bomitá nosinggai in bayáan.)

ULANGAN 1:46

“Nopaḷut mako kon tua kita in nogutunpa kon Kades noonggot totok.

ULANGAN 2:13

“Onda intua kita iḷumoḷan kon Ongkag in Zered pinodudui ná inta parenta i Tuhan kon i naton.

ULANGAN 2:16

Naonda in mosia nodait minatoi,

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.

YOSUA 5:4

Kon tungkuḷ in intau mita in Israel iḻumuai nongkon Mesir, bayongan intau monia ḷoḷaki nodaitdon sinoit. Táe naonda in mosia nodondaḷoi kon padang gurun opat nopuḷú notaong in koonggotnea, ki adí mita monia ḷoḷaki tobatúmai diápa in sinoit. Bo kon buit in opat nopuḷú notaong tatua, intau ḷoḷaki inta kon dodai in iḻumuai nongkon Mesir noitakindon nobaḻí tontara, komintandon minatoi, sin diá motoindudui kon parenta i Tuhan. Dá podudui in ibot i Tuhan, mosia in diá inogoi moindoi kon butá inta mopia totok bo moḷongó tua inta pinodandi-Nea kon mogoguyang monia.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.