ULANGAN 2:11 - Alkitab Singog In Mongondow Masa In Tanaa

¹¹ Ná intau in Enak, mosia sinangoian doman intau in Repaim, táe aka kon intau in Moab mosia tua sinangoi intau in Emim.

ULANGAN 2:11 Mawu Ofanana

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

SAMUEL 2 21:16

Namangoidon in intau tuyá tobatú inta ki Yisbi-Benob in tangoinea. Pandongnea in pinomia nongkon bitú, kobogatnea in degá toḷu bo tobotak in kilo. Sia in nopogabit doman in kedang mobagu, bo noyakinbí in sia kon mokoḻimodbí kon i Daud.

PINOGIAPAN 13:22

Muna-munamai mosia minayá kon dotá in toḷatan butá tatua bo noiyaput kon kotá in Hebron, tampat pinogutunan in intau mita in Ahiman, Sesai bo Talmai, buí i Enak. Hebron pinosindog noiuna pitu notaong nongkon kotá in Zoan kon Mesir.

PINOGIAPAN 13:28

Táe intau mita inta nogutun kon tua mongoropot. Kotá mita monia nongoḷoben bo iḻibu dininding in tondok. Bo inontong domandon nami in intau mita buí in tuyá kon tua.

PINOGIAPAN 13:33

Bo kami in nokoontong domandon kon intau mita inta ná ki tuyá, inta buí in intau Enak. Aka poyotongkaionmai monia tua yo kami naa in tongábí naonda bo pangkoḷá, bo tantú kon natuabí doman in anggapan monia kon inami.”

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 2:20

Butá tatua doman in sinotaaubí saḷaku butá in Repaim, tangoi in bangusa inta tungkuḷ intua nogutun kon tua; aka kon intau in Amon yo mosia tua in sinangoian monia intau in Zamzumim.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

ULANGAN 9:2

Intaunea mita mongoḷoben bo mongotorindog in awak monia; mosia tua in tuyá, bo dinongogdon monimu kon diábí tobatúmai in mokotaḷow kon i monia.