ULANGAN 19:13 - Alkitab Singog In Mongondow Masa In Tanaa

¹³ Dika monotabi kon inia. Poḷuatdon in intau Israel nongkon moḷoḻimod tatua, sinbá moiko mobiag motompia.”

ULANGAN 19:13 Mawu Ofanana

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

SAMUEL 2 14:7

Bo tanaa, bayongan in ginaḷumku in mosaturudon kon inakó bo monuntut sinbá akuoi in mobogoidon kon i monia kon adíku inta noḻimod tatua, sinbá popoḷabúan monia in hukuman matoi, sin sia in noḻimodon kon i utatnea. Aka ogoikudon in ki adíku tatua, dá dongkadon aku-akuoi mita. Mosia in momoguyaatdon kon inta nobaḻí andoḷan in kobiaganku bo diádon monaḷámai kon adí ḷoḷaki tobatú kon i buḷoiku sin mongingguput kon buínea.”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

SAMUEL 2 21:14

Onda intua tuḷan mita i Saul bo i Yonatan takin tuḷan mita i nayapitu tatua in iḷobong kon bonu in pinoḷobongan kon i Kish ki amá i Saul kon Zela kon butá in Benyamin. Naonda in bayongan tua inaidan podudui in parenta i datu, ki Allah in nokidongog bo notubagdon kon sambayang monia kon kopontingan in butá tatua.

DATU MITA IMITÁNEA 2:31

Nokodongogmai kon tua, noguman in ki datu, “Bayádon bo aidaidon onu inta pinogumannea tatua. Ḻimod in sia bo ḷobong, sinbá akuoi bo bayongan buí i amáku in diádon motanggung kon pinoḻimodan i Yoab kon intau mita inta diá kotaḷá.

YEHEZKIEL 16:5

Diá tobatúmai in intau in notabi kon inimu dá nopoaid intua mita kon inimu. Kon dodai in iko noiḷotang, diá in notabi kon inimu, sedang bo iḷumbúbí in iko kon gobá.

IMAMAT 24:17

Ki ine in moḻimod kon intau ibanea musti hukumon matoi.

IMAMAT 24:21

Ki ine in moḻimod kon biag in intau musti monoḻiu, táe ki ine in moḻimod kon intau musti hukumon dapot in matoi.

PINOGIAPAN 35:31

Moḷoḻimod tobatú in mustibí hukumon matoi. Diábí motaau tobutonnea in doit in hukuman tatua.

ULANGAN 13:8

yo dika indongoganmu in sia bo dika moibog dondouḷugannea in iko. Dika doman motabi ande mogoḻingoi kon intau tatua.

ULANGAN 19:12

Kon soaḷ in tatua guhanga mita kon kotánea musti mogoiní kon intau tatua bo moposarakan kon inia kon tombonu in baḷoi in intau iḻimodnea sin motuḻí kon pinoḻimodan tatua, sinbá sia in motaaudon ḻimodon.

ULANGAN 19:21

Dikabí motabi kon pelekara mita tatua. Nanaa in hukuman kon i monia: Nyawa toḻiuan in nyawa, mata toḻiuan in mata, ingipon toḻiuan in ingipon, ḻima toḻiuan in ḻima bo sioḷ toḻiuan in sioḷ.”

ULANGAN 21:9

Dá pinongin mogaid kon onu inta sinuntut i Tuhan, yo moiko in diádon popobabaan in taḷá kon pinoḻimodan tatua.”

ULANGAN 25:12

yo pongkódon in ḻima in bobay tatua bo dikabí motabi kon inia.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.