ULANGAN 19:11 - Alkitab Singog In Mongondow Masa In Tanaa

¹¹ “Táe noyoposibí aka intau tobatú noḷabot kon musungnea bo sinumuodbí takin yaat in ginanea noḻimod kon inia, bo minayá noḷagui kon tobatú kotá pogogadopan sinbá mokouḻí kon pogadopan.

ULANGAN 19:11 Mawu Ofanana

KINOBAḺIAN 9:5

Pomuḷoi intau bo mahaḷuk inta moḻimod kon intau in hukumon-Kubí dapot in matoi.

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

PINOGIAPAN 35:24

Kon pelekara mita ná tatua kon poyodungkuḷan in umat musti mopoyotutui kon intau inta ain noiḷaut noiḻimod, bo intau inta moibog motuḻí kon kinopatoian in intau inta ain kinoḻimodan.

ULANGAN 19:12

Kon soaḷ in tatua guhanga mita kon kotánea musti mogoiní kon intau tatua bo moposarakan kon inia kon tombonu in baḷoi in intau iḻimodnea sin motuḻí kon pinoḻimodan tatua, sinbá sia in motaaudon ḻimodon.

ULANGAN 27:24

‘Kinutuk in intau inta inumado-adop noḻimod kon intau.’ ‘Amin!’

YOHANES 1 3:15

Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.