ULANGAN 19:10 - Alkitab Singog In Mongondow Masa In Tanaa

¹⁰ Aidaidon intua sinbá moiko diá baradosaan sin nopomayádon mako kon intau inta diá kotaḷá iḻimod kon butá inta inogoi i Tuhan Allahmu kon inimu.”

ULANGAN 19:10 Mawu Ofanana

DATU MITA IMITÁNEA 2:31

Nokodongogmai kon tua, noguman in ki datu, “Bayádon bo aidaidon onu inta pinogumannea tatua. Ḻimod in sia bo ḷobong, sinbá akuoi bo bayongan buí i amáku in diádon motanggung kon pinoḻimodan i Yoab kon intau mita inta diá kotaḷá.

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

YOËL 3:19

Mesir in mobaḻídon buḷud inta mobota-botak, bo Edom in mobaḻídon moḷogat, diá bidon pogutunan in intau. Popisí in mosia in nonubudon kon intau in Yohuda, bo noḻimod kon intau kon butá tatua inta diá in taḷánea.

YUNUS 1:14

Tuamai in nokuani in mosia kon i Tuhan, “O Tuhan, kami in mopoigum kaasí, donaaidon pomayá mako in kami matoi popisí in mogamá kon nyawa in intau inta diá nogaid kon onuka in taḷá kon inami. O Tuhan, Iko in nomiadon kon onu in kinoibog-Mu.”

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.

ULANGAN 19:13

Dika monotabi kon inia. Poḷuatdon in intau Israel nongkon moḷoḻimod tatua, sinbá moiko mobiag motompia.”

ULANGAN 26:1

“Aka moiko tumuotdon kon butá inta inogoi i Tuhan Allahmu kon inimu bo mogutundon kon tua,

ULANGAN 4:21

Táe ki Tuhan Allahmu sinumorúdon kon inakó popisí in moiko, bo Sia in nongibot kon akuoi in diábí moiḷoḷan kon Ongkag in Yordan sin tumuot kon butá mopia inta bain ogoi-Nea kon inimu.

SAMUEL 1 19:5

Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”